48:45  45  CAPUT  IT.  46  autem  quies  totius  hominis  securitatem  significat,  quam  nobis  affert  Dei  tutela.  Nec  obstat  quod  perpetuo  inquieti  sunt  ac  trepidant  fideles:  nam  sicuti  in  media  tristitia  nihilominus  laetantur:  ita  nullae  sunt  tantae  agitationes,  quae  illorum  quietem  abrumpant.  Si  quis  obiiciat,  in  spiritu  consistere  pacem  fidelium,  non  autem  esse  carnis:  respondeo,  corpore  quiescere  fideles:  non  quia  sint  immunes  a  molestiis,  sed  quia  totos  se  Deo  curae  esse  confidant,  neque  animam  modo  eius  protectione  fore  salvam,  sed  corpus  etiam  tutum.  27.  Quia  non  relinques.  Animam  relinquere  m  inferno,  est  permittere  ut  interitu  opprimatur1).  Duae  Doces  ponuntur,  quarum  utraque  sepulcrum  Hebraeis  significat.  Quia  shaal  petere  significat,  sheol  puto  dictum  esse,  quia  mors  insatiabilis  est:  unde  et  illa  translatio:  Dilatavit  infernus  animam  suam.  Item:  Dilatant  quasi  infernus  os  suum.  Quia  vero  posterior  shachat  a  corruptione  vel  a  consumptione  ducta  est,  qualitas  ista  consideranda  est,  sicuti  eam  notare  voluit  David.  Quae  hic  a  quibusdam  de  Christi  ad  inferos  descensu  disputantur,  meo  iudicio  supervacua  sunt:  quia  remota  a  prophetae  mente  et  consilio.  Neque  enim  anima  tam  spiritum  immortalis  essentiae  significat,  quam  vitam  ipsam.  Nam  quum  homo  exstinctus  in  sepulcro  iacet,  sepulcrum  dicitur  eius  vitae  dominari.  Ubi  Graeci  verterunt,  sanctum,  hebraice  est  c  h  asi  d,  quod  proprie  mansuetum  sonat,  sed  hoc,  quia  nihil  ad  praesens  institutum  faciebat,  Lucas  neglexit.  Porro  in  fidelibus  toties  laudatur  humanitas}  quia  eos  patris  sui  naturam  imitari  convenit  ac  referre.  28.  Notas  mihi  fecisti.  Significat  se  Dei  gratia,  receptum  esse  a  morte  in  vitam.  Nam  quod  tanquam  redivivus  emersit,  singulari  Dei  beneficio  fert  acceptum.  Hoc  in  Christo  sic  fuit  impletum,  ut  nihil  deesset  ad  perfectionem.  Membra  vero  suam  habent  mensuram.  Itaque,  Christus  expers  fuit  corruptionis,  ut  sit  primitiae  resurgentium.  Nos  eum  tandem  sequemur  nostro  ordine,  sed  in  pulverem  prius  redacti.  Quod  addit,  se  l  a  e  t  i  t  i  a  repletum  cum  vultu  Dei,  convenit  cum  illo:  Ostende  nobis  faciem  tuam,  et  salvi  erimus.  Item:  Signatum  est  super  nos  lumen  vultus  tui:  dedisti  laetitiam  in  corde  meo.  Sola  enim  est  divini  vultus  serenitas,  quae  nos  non  exhilarat  modo,  sed  vivificat:  rursum,  eo  adverso  vel  turbato,  nos  deficere  necesse  est.  30.  Propheta  igitur  quum  esset.  Duabus  rationibus  admonet,  non  esse  mirum  si  David  longe  ultra  suam  aetatem  loquendo  evehatur:  prior  est,  quod  propheta  erat.  Scimus  autem  prophetis  res  futuras  et  procul  ab  hominum  notitia  remotas  patefieri.  *)  Quanquam  enim  sheol,  ut  dixi,  sepulcrum  significat,  quia  tamen  a  consumptione  ductum  est  hoc  nomen.