47:45  45  CAPUT  n.  46  obiici  poterant.  Non  eadem  hodie  templorum  nostrorum  est  ratio,  sed.  quod  de  veteri  templo  dicitur  rite  et  proprie  in  ecclesiam  competit.  Est  enim  coeleste  in  terra  Dei  sacrarium.  Quare  ante  oculos  semper  versari  nobis  debet  Dei  maiestas,  quae  in  ecclesia  residet,  ne  ullis  inquinamentis  polluatur.  Manebit  autem  tunc  demum  integra  eius  sanctitas,  si  nihil  in  ea  admissum  fuerit  a  Dei  verbo  alienum.  17.  'Recordati  sunt  discipuli.  Frustra  hic  se  nonnulli  impediunt  quaerentes,  quomodo  scripturae  recordati  fuerint  discipuli,  cuius  adhuc  erant  expertes  ac  ignari.  Neque  enim  intelligendum  est  tunc  illis  subiisse  in  memoriam  hunc  scripturae  locum,  ged  postea  quum  divinitus  edocti  apud  se  reputarent,  quidnam  sibi  vellet  hoc  Christi  facinus,  directore  spiritu  hic  scripturae  locus  illis  occurrit.  Et  certe  operum  Dei  non  semper  extemplo  causa  nobis  apparet,  sed  postea  temporis  successu  consilium  nobis  suum  aperit.  Atque  hoc  cohibendae  nostrae  audaciae  aptissimum  est  fraenum,  ne  Deo  obstrepamus,  si  quando  nostro  iudicio  minus  probantur  quae  facit.  Simul  monemur,  quum  Deus  nos  quasi  suspensos  tenet,  patienter  exspectandum  esse  plenioris  notitiae  tempus,  et  festinationem  nimiam,  quae  nobis  ingenita  est,  cohibendam  esse.  Nam  ideo  plenam  operum  suorum  manifestationem  Deus  differt,  ut  nos  in  modestia  contineat.  Sensus  ergo  est,  discipulos  tandem  assequutos  esse,  Christum  zelo  domus  Dei,  quo  flagrabat,  impulsum  fuisse,  ut  profanationes  illas  e  medio  tolleret.  Templi  nomine  procul  dubio  totum  Dei  cultum  David  per  synecdochen  designat.  Sic  enim  habet  integer  versus:  Zelus  'domus  tuae  comedit  me,  et  opprobria  exprobrantium  tibi  ceciderunt  super  me.  Ubi  secundum  membrum  priori  respondet,  imo  nihil  aliud  est  quam  exegetica  repetitio.  Summa  utriusque  membri  est,  Davidem  tam  anxie  de  asserenda  Dei  gloria  fuisse  sollicitum,  ut  libenter  caput  suum  probris  omnibus,  quae  in  Deum  iaciebant  reprobi,  supposuerit:  tanto  zelo  aestuasse,  ut  hic  unus  affectus  alios  omnes  deglutiret.  Atque  hoc  quidem  sensu  ille  praeditum  se  fuisse  testatur,  sed  non  dubium  est  quin  delinearit  in  sua  persona,  quae  Messiae  proprie  congruebant.  Ideo  dicit  evangelista,  hanc  fuisse  unam  ex  notis,  quibus  agnitus  fuit  Iesus  a  discipulis  regni  Dei  vindex  ac  reparator.  Observa  autem,  scripturae  ductum  sequutos  esse,  ut  de  Christo  sentirent  quod  decebat.  Et  certe  qualis  sit  Christus,  vel  quorsum  pertineat  quidquid  gessit  et  passus  est,  nemo  unquam  tenebit  nisi  duce  et  magistra  scriptura.  Quare  prout  quisque  nostrum  proficere  in  Christi  cognitione  cupiet,  sedula  et  continua  scripturae  meditatione  opus  erit.  Domus  Dei  non  frustra  meminit  David,  ubi  de  illius  gloria  agitur.  Nam  Deus,  quamvis  sibi  sufficiat,  ac  se  uno