45:45  45  LUC.  I.  46  ludit  in  suis  miraculis,  sed  hominum  sensus,  quos  torpere  cernit,  excitat.  Dicit  etiam  Lucas,  sparsam  earum  rerum  suisse  famam  in  tota  montana  regione  Iudaeae:  quanquam  multis  nihil  profuit,  sic  Dei  virtute  ad  tempus  fuisse  tactos,  quia,  quum  docendi  munus  obire  coepit  Ioannes,  pauci  memoria  tenebant,  quam  admirabilis  fuisset  eius  nativitas.  Caeterum  non  tantum  eorum  causa,  qui  audiebant,  voluit  Deus  harum  rerum  famam  vulgari,  sed  ut  sacculis  omnibus  certius  esset  miraculum,  quod  tunc  passim  celebre  fuit.  Interea  commune  ingratitudinis  humanae  speculum  hic  nobis  ante  oculos  ponitur.  Nam  quum  tenaciter  animis  nostris  haereant  res  vanae  et  frivolae,  statim  elabitur  et  effluit,  quae  perpetuo  vigere  debebat  gratiarum  Dei  memoria.  Non  loquitur  Lucas  de  hominibus  stupidis,  vel  veris  Dei  contemptoribus  :  dicit  enim,  eos  posuisse  in  corde  suo,  hoc  est,  sedulo  ad  haec  consideranda  fuisse  attentos.  Et  probabile  est,  quosdam  fuisse  in  tempore  memores,  sed  maior  pars  conceptum  timorem  paulo  post  abiecit.  Notandum  tamen  est,  eos  minime  aberrasse  a  scopo,  quum  ad  futuram  infantis  excellentiam  retulerunt  quae  videbant  miracula.  Tale  enim  fuisse  Dei  consilium  diximus,  ut  postea  Ioannes  non  sine  eximia  commendatione  prodiret.  Quod  dicit  Lucas,  manum  Dei  fuisse  cum  eo,  sensus  est,  multis  modis  conspicuam  fuisse  Dei  gratiam,  quae  palam  ostenderet,  non  fore  hominem  gregarium.  Est  autem  figurata  loquutio,  quae  exprimit,  non  secus  patefactam  esse  virtutem  Dei,  quam  si  palam  conspecta  esset  eius  manus,  ut  Deum  praesentem  agnoscere  cuivis  promptum  foret.  LUC.  I.  67.  Et  Zacharias  pater  eius  repletus  est  spiritu  sancto,  prophetavitque,  dicens:  68.  Benedictus  Dominus  Deus  Israel,  quia  visitavit,  et  fecit  redemptionem  populo  suo:  69.  Et  erexit  cornu  salutis  nobis  in  domo  David  pueri  sui,  70.  (Sicut  loquutus  est  per  os  sanctorum,  qui  a  saeculo  fuerunt,  prophetarum  suorum),  71.  Salutem  ex  inimicis  nostris,  et  de  manu  omnium,  qui  oderunt  nos:  72.  Ad  praestandam  misericordiam  erga  patres  nostros,  et  memoriam  habendam  testamenti  sui  sancti,  73.  Secundum  iusiurandum,  quod  iuravit  ad  Abraham  patrem  nostrum,  ad  dandum  nobis,  74.  Ut  sine  timore  de  manu  inimicorum  nostrorum  liberati  serviamus  illi,  75.  In  sanctitate  et  iustitia  coram  ipso  cunctis  diebus  vitae  nostrae.  67.  Zacharias  repletus  est  spiritu.  Quid  valeat  haec  loquutio,  nuper  dictum  est,  nempe  donari  uberiore  spiritus  gratia  servos  Dei,  qua  tamen  alias  vacui  non  erant.  Sic  prophetis  datum  esse  spiritum  legimus:  non  quod  per  intervalla  ipso  carerent,