44:45  45  CAPUT  III.  46  ut  eadem  superbia  dementet  etiam  mediocres  tam  reges  quam  populos.  Quisque  enim  putat  se  esse  solum:  et  dum  alios  sibi  comparat,  longe  despicit,  ac  si  essent  positi  infra  eius  pedes.  Sic  ergo  propheta  paucis  verbis  ostendit  quae  fuerit  causa  interitus  Ninevae:  quia  scilicet  putabat  sibi  fixum  esse  et  perpetuum  statum  in  terra.  Ergo  si  cupimus  nos  protegi  Dei  manu,  meminerimus  qualis  sit  nostra  conditio:  et  quotidie,  imo  singulis  momentis  paremus  nos  ad  mutationem,  nisi  quatenus  nos  Deus  sustinet.  Haec  erit  nostra  stabilitas,  si  pendeamus  tantum  ab  auxilio  Dei,  et  conscii  infirmitatis  nostrae  trepidemus  in  nobis:  ne  scilicet  obrepat  oblivio  sortis  nostrae.  Postea  adiungit,  Quomodo  fuit  in  vastationem?  Accommodat  propheta  sermonem  suum  ad  communem  captum.  Videri  enim  poterat  incredibilis  ruina  Ninevae.  Ergo  propheta  hac  interrogatione  excitat  sensus  fidelium,  ut  non  dubitent  certo  fore  quod  Deus  pronuntiat,  quia  scilicet  mirabiliter  operabitur.  Ergo  istud  Quomodo  significat  non  debere  Iudaeos  diffidere,  dum  putant  undique  munitam  esse  Nineven,  ne  quid  unquam  adversi  patiatur:  quia  Deus  mirabiliter  et  praeter  communem  modum  ipsam  evertet.  Quomodo  ergo  fuit  in  vastitatem?  in  cubile,  inquit,  animalium.  Postea  adiungit,  Quisquis  transierit,  sibilabit,  et  agitabit  manum  suam.  Videtur  propheta  notare  futurum  opprobrium  Ninevae:  et  simul  alia  loquendi  forma  confirmare  quod  prius  dixit,  nempe  ruinam  urbis  fore  stupendam.  Nam  agitatio  manus  et  sibilum  signa  sunt  opprobrii.  Ecce,  Nineve  tantopere  sibi  placebat.  Nunc  videmus  duntaxat  tristes  ruinas.  Non  dubito  igitur  quin  propheta  hic  per  sibilum  et  manus  agitationem  intelligat  Nineven  fore  ignominiosum  spectaculum  cunctis  populis.  Et  eadem  ratio  loquendi  saepe  occurrit  apud  prophetas:  Sibilabunt  super  te  omnes:  hoc  est,  ego  te  statuam  in  probrum  et  dedecus.  Deinde  adhuc  propheta,  quemadmodum  iam  dixi,  continuat  suam  sententiam,  quod  scilicet  instar  miraculi  erit  ruina  Ninevae,  quoniam  obstupescent  omnes  transeuntes:  quasi  diceret,  Ecce  sibilabunt:  quid  hoc  est?  deinde  agitabunt  manum:  quid  est  stabile  in  hoc  mundo?  Videmus  sedem  praecipuam  monarchiae  esse  dirutam,  et  nihil  differre  a  deserto.  Nunc  tenemus  prophetae  consilium.  Iam  ut  haec  doctrina  etiam  nobis  hodie  utilis  sit,  notandae  sunt  istae  circumstantiae  quas  observavimus.  Si  ergo  hodie  triumphant  hostes  nostri,  et  intolerabilis  est  ipsorum  fastus,  sciamus  eos  accersere  sibi  propiorem  Dei  vindictam:  si  torpent  in  sua  opulentia  et  securi  sunt,  et  contemnunt  omnia  discrimina,  hoc  modo  provocant  etiam  iram  Dei:  praesertim  si  ad  fastum  illum  et  securitatem  accedit  saevitia,  ut  ecclesiam  Dei  indigne  persequantur,  tit  spolient,  rapiant,  occidant,  quemadmodum  videmus  eos  facere.  Quum  ergo  hostes  nostri  ita