42:45  45  SUR  LB  XI.  CHAP.  DE  DANIEL.  46  crainte  que  tout  ce  que  ie  fais  ne  retourne  a  vostre  avantaige.  Voila  comme  ces  deux  roys  devisoient  a  une  mesme  table  en  mensonge,  que  le  roy  Ptolomee  fait  semblant  de  trouver  bon  tout  ce  qui  est  la  dit  par  Antiochus,  d'autre  coste  Antiochus  luy  dit,  ie  tiendrai  bon  pour  vous,  iusques  a  ce  que  vous  soies  en  aage,  ouy,  et  c'estoit  a  dire  iusques  a  ce  que  ie  vous  aie  tue  en  la  fin,  car  il  avoit  bien  delibere  de  ce  faire.  Or  si  tost  qu'Antiochus  Epiphanes  s'en  est  retourne,  ce  Philometor  ici  se  voiant  ainsi  surprins  par  son  oncle  Antiochus,  trouve  moien  par  dessous  terre  de  faire  des  pratiques,  tellement  que  les  garnisons  de  son  oncle  sont  surprinses,  et  saccage  tout,  et  met  d'autres  garnisons  par  toutes  les  villes  qu'Antiochus  avoit  usurpees,  et  cependant  il  se  reconcilie  avec  son  frere,  et  Cleopatra  leur  seur,  en  sorte  qu'ils  demeurerent  freres  et  bons  amis,  car  ils  connoissent  que  s'ils  tiennent  ces  alliances  qu'ils  avoient  faittes  avec  leur  oncle,  que  ce  sera  pour  les  ruiner  toustrois.  Ainsi  donc  les  garnisons  d'Antiochus  Epiphanes,  estans  ainsi  saccagees  apres  qu'il  en  est  adverti,  il  se  delibere  de  venir  contre  le  royaume  d'Egypte,  et  alors  sa  trahison  fust  manifestee,  car  s'il  fust  venu  en  bonne  intention  il  eust  eu  ce  qu'il  demandoit,  et  se  devoit  bien  contenter  de  cela,  c'est  a  scavoir  que  les  deux  freres  qui  avoient  este  en  dissention  auparavant  fussent  reconcilies.  Voila  ses  neveus  et  sa  niece  qui  estoient  en  debat,  et  il  les  voit  amis,  que  demande  il  plus?  Or  il  vient  donc  pour  assieger  le  royaume  d'Egypte,  a  lors  il  n'y  avoit  plus  rien  quasi  en  tout  le  pays,  car  ils  s'estoient  retires  en  la  ville  d'Alexandrie,  et  c'estoit  la  ou  Antiochus  les  vint  assieger,  mais  les  Romains  y  envoierent,  car  les  Romains  avoient  envoie  une  grosse  ambassade  par  mer,  non  seulement  en  Egypte,  mais  il  y  eust  d'autres  voiages  faits  par  eux,  comme  en  Rhodes,  la  ou  ils  feirent  voler  des  testes  en  grand  nombre,  et  puis  ils  retournerent  en  Egypte,  et  puis  le  principal  ambassadeur  Pompilius  Lenas  dit  au  roy  Antiochus,  qu'il  eust  promptement  a  declarer  s'il  estoit  ami  des  Romains  ou  non,  et  s'il  ne  vouloit  pas  retourner  d'Egypte  comme  ils  luy  avoient  mande  par  luy,  mais  sur  cela,  il  demande  delai  de  parler  a  son  conseil,  et  de  deliberer  sur  cet  affaire.  Or  ce  Pompilius  luy  respond  qu'il  ne  luy  donnera  point  loisir  d'en  plus  deliberer,  et  aiant  une  verge  en  sa  main  il  fait  un  cercle  a  l'entour  d'Antiochus,  luy  disant  qu'il  ne  veut  point  qu'il  sorte  hors  de  ce  cercle  iusques  a  ce  qu'il  ait  respondu,  s'il  ne  veut  pas  obeir  aux  Romains  ou  non.  Or  le  roy  Antiochus  est  bien  estonne,  quand  il  oit  ainsi  parler  un  citoien  de  Rome,  il  s'en  estoit  mocque  auparavant,  ces  vilains  ici  voudront  subiuguer  les  roys,  ces  citadins,  il  les  iniurioit  comme  s'il  eust  este  en  sa  puissance  de  les  surmonter,  mais  quand  il  se