41:45  45  IN  DANIELEM.  CAP.  VIL  46  tam:  uxor  Roxane  iugulata  fuit:  filius  eius  misere  periit:  Aridaeus  etiam  frater  eius,  quum  nullius  esset  ingenii,  et  parum  differret  a  bruta  pecude,  ille  tamen  occisus  est  cum  reliquis:  denique  totum  genus  Alexandri  occubuit  morte  violenta.  Iam  quod  ad  duces  spectat,  diximus  periisse  in  praeliis:  quia  partim  a  suis  militibus  proditi  sunt,  partim  ignavia  cesserunt:  et  tamen,  quum  essent  suspecti,  non  effugerunt  mortem  sanguinariam.  Fuerunt  igitur  quatuor  tantum  superstites.  Ita  totum  imperium  Alexandri  divisum  in  quatuor  partes  fuit.  Nam  Seleucus,  cuius  successor  Antiochus  fuit,  obtinuit  maiorem  Asiam,  hoc  est,  orientale  imperium:  Antigonus  vero  minorem  Asiam  cum  parte  Ciliciae,  et  continetur  etiam  illic  Phrygia,  et  aliae  vicinae  regiones:  Ptolemaeus  ad  se  rapuit  Aegyptum  et  partem  Aphricae:  Cassander,  deinde  Antipater  rex  fuit  Macedoniae.  Per  quatuor  alas,  et  per  quatuor  capita  intelligit  Daniel  partitionem  illam,  quae  statim  facta  est  post  mortem  Alexandri.  Nunc  ergo  tenemus  quid  Deus  prophetae  suo  ostenderit  sub  hac  visione,  quum  proposuit  imaginem  pardi  una  cum  alis  quatuor,  et  cum  quatuor  capitibus.  Dicit  datam  fuisse  potestatem  bestiae,  quia  incredibilis  fuit  successus  Alexandri  Magni.  Quis  enim  putasset,  quum  mare  traiiceret,  fore  victorem  totius  Asiae  et  Orientis?  Ducebat  secum  triginta  millia,  neque  bellum  gerebat  suis  unius  auspiciis:  sed  hoc  adeptus  fuerat  variis  artibus,  ut  nominaretur  dux  Graeciae  a  civitatibus  liberis.  Erat  igitur  Alexander  quasi  mercenarius  Graecorum,  et  non  potuit  maiores  copias  secum  ducere,  quam  triginta  millium,  quemadmodum  diximus.  Congressus  et  cum  centum  et  quinquaginta  millibus,  deinde  cum  quadringentis,  tandem  fere  cum  myriade  una.  Darius  enim  in  postremo  praelio  collegerat  supra  octies  centena  millia  praeter  impedimenta:  denique  erant  decies  centena  millia  cum  Dario.  Alexander  iam  trahebat  secum  auxilia  quaedam  ab  externis  gentibus,  quas  devicerat:  caeterum  illis  non  poterat  fidere.  Ergo  totum  robnr  erat  in  triginta  millibus  duntaxat:  et  quo  die  vicit  Darium,  sic  erat  sopitus  ut  vix  potuerit  expergefieri.  Excusant  hoc  historici,  qui  extollunt  eius  prudentiam,  quod  tota  nocte  vigilasset:  caeterum  hoc  satis  inter  omnes  constat,  tunc  fuisse  similem  mortuo,  et  quum  adessent  omnes  duces,  vix  potuisse  expergefieri  :  et  tamen  de  industria  omnes  tumultuabantur  circa  eius  tentorium,  nemo  audebat  ingredi.  Vix  ergo  absterserat  oculos  Alexander,  quum  Darius  fugit.  Ergo  non  abs  re  dicit  propheta  fuisse  datam  potestatem  bestiae  :  quia  hoc  accidit  praeter  omnem  rationem  naturae,  et  praeter  hominum  opinionem,  quod  potuit  profligare  tantum  exercitum,  qui  solo  adspectu  poterat  terrere  totam  Graeciam.  Haec  igitur  de  tertio  imperio.  Nam  hic  non  narrabo  quidquid  dici  posset,  et  re-