40:45  45  IN  EZECHIELIS  PROPH.  CAP.  I.  46  igitur  proportio  et  aequalitas  ostendit  in  omnibus  Dei  operibus  esse  summam  moderationem,  non  quod  appareat  (quin  potius  putamus  omnia  versari  turbulento  impetu),  sed  si  erigimus  sensus  nostros  supra  mundum,  haud  dubie  agnoscere  dabitur  quod  hic  describit  propheta:  nempe  in  omnibus  Dei  operibus  esse  rationem  sic  dispositam,  ut  nulla  linea  possit  melius  dirigi.  Deus  ergo  dum  mundum  versat  in  speciem,  servat,  quoad  se,  aequalem  modum,  ita  ut  conversiones,  vel  revolutiones  quas  vocant,  nihil  habeant  inaequale,  ipsius  respectu:  sed  rota  una  composita  sit  ad  alias  omnes.  Tandem  subiicit  adspectum  illarum  et  artificium,  vel  formam  fuisse  ac  si  rota  esset  in  medio  rotae:  sic  ut  transversa  sit  complexio  unius  rotae  ad  alteram.  Neque  enim  intelligit  fuisse  rotam  unam  maiorem,  deinde  fuisse  minorem  :  sed  intelligit  rotas  duas  sic  fuisse  implicitas,  ut  transversa  esset  complexio.  Nunc  cur  duplices  fuerint  rotae  videndum  est:  et  heri  iam  breviter  attigi,  nempe  quia  Deus  non  videtur  tenere  rectum  cursum,  sed  habere  varias  conversiones,  et  quasi  inter  se  contrarias  ac  si  distraheretur  agitatio  ubi  inspirat  vigorem  creaturis.  Ideo  dicitur  rota  una  fuisse  in  medio  rotae.  Denique  hic  ad  vivum  nobis  repraesentat  Deus  quod  docet  experientia.  Nam  primum  mundus  fertur  quemadmodum  si  rotae  currerent:  neque  id  simpliciter,  sed  accedit  etiam  tanta  varietas,  ut  nunc  videatur  Deus  proiicere  suum  impetum  in  dextram  partem,  deinde  contrarium  impetum  in  sinistram.  Hoc  igitur  perinde  est  ac  si  duae  rotae  simul  implicitae  forent.  Sed  non  possem  nunc  ulterius  pergere,  reliqua  differam  in  crastinum.  17.  Ad  quatuor  latera  sua  ambulando  ibant,  non  revertebantur  quum  ambularent.  Quod  iam  satis  explicuerat  confirmandi  causa  repetit,  ambulasse  ad  quatuor  latera,  hoc  est  ut  singula  animalia  rectum  suum  cursum  tenerent.  Quod  dicit  non  fuisse  reversa  ad  perseverantiam  spectat:  non  quod  spatio  confecto  longius  perrexerint:  sed  quia  sine  intermissione  perrexerint  usque  ad  scopum.  Levius  attingo  quae  iam  satis  fuerunt  exposita.  18.  Et  circumferentiae  ipsis  (dorsa  proprie:  sed  intelligit  circumferentias,  vel  canthos,  sunt  ligamina  ferrea),  et  proceritas  ipsis  j  et  terror  ipsis:  et  terga  ipsarum  (id  est  circumferentiae  vel  canthi:  circumferentiae  ergo)  plenae  oculis  per  circuitum  ipsis  quatuor.  Quod  dicit  fuisse  circumferentias  in  rotis  videri  posset  supervacuum:  sed  refertur  hoc  ad  secundum  membrum  versus,  ubi  dicit  illas  circumferentias