35:45  45  IOB  CHAP.  XXXIII.  46  comme  les  povres  Papistes  se  laissent  mener  sans  aucune  discretion,  et  la  foy  qu'ils  ont  n'est  sinon  une  pure  bestise,  qu'il  faut  boucher  les  yeux,  qu'il  ne  faut  avoir  nulle  raison  en  soy.  Au  contraire,  Dieu  veut  que  nous  ayons  esprit  et  prudence,  pour  n'estre  point  abusez  ni  seduits  par  les  fausses  doctrines  que  les  hommes  nous  apporteront.  Comment  cela  se  fera-ii  ?  Il  est  vray  qu'il  ne  faut  point  que  nous  presumions  de  iuger  de  la  verite  de  Dieu  selon  nostre  sens  et  phantasie:  car  plustost  il  nous  faut  captiver  toute  nostre  raison  et  intelligence,  comme  l'Escriture  nous  monstre:  cependant  neantmoins  nous  avons  a  prier  Dieu,  qu'il  nous  donne  prudence,  pour  iuger  si  ce  qu'on  nous  propose  est  bon  et  droit.  Et  au  reste  qu'avec  toute  humilite  nous  ne  demandions,  sinon  d'estre  gouvernez  par  luy,  et  sous  sa  main,  estans  certains  que  par  ce  moyen  nous  pourrons  savoir  s'il  y  a  droiture  aux  propos  qu'on  nous  mettra  en  avant.  Et  c'est  aussi  ce  que  nostre  Seigneur  Iesus  amene,  quand  il  veut  qu'on  recoive  ce  qu'il  dit.  Ie  ne  cerche  point  ma  gloire,  dit-il  (Iean  8,  50),  mais  la  gloire  de  celuy  qui  m'a  envoye.  Il  faut  donc  que  nous  enquerions  tousiours,  ou  c'est  que  l'homme  qui  parle  a  nous,  tend.  Car  si  nous  voyons  que  son  but  auquel  il  aspire,  soit  qu'on  glorifie  Dieu,  et  qu'il  domine  sur  tous,  o  il  ne  faut  plus  disputer  d'avantage,  il  se  faut  arrester  la  pleinement.  Mais  au  contraire  si  une  doctrine  est  pour  obscurcir  la  gloire  de  Dieu,  si  elle  est  pour  nous  destourner  de  son  service,  si  elle  ne  peut  valoir  qu'a  ambition  et  vanite,  qu'elle  ne  nous  edifie  point  pour  estre  vrais  temples  de  Dieu,  si  en  icelle  nous  ne  sommes  point  fondez  pour  nous  remettre  du  tout  a  Dieu  et  l'invoqueur  purement,  pour  nous  fier  et  reposer  en  sa  grace,  et  en  sa  bonte  paternelle:  alors  nous  voyons  bien  qu'il  n'y  a  nulle  droiture.  Vray  est  que  nous  serions  ici  bien  empeschez,  sinon  que  Dieu  nous  eust  monstre  en  premier  lieu  quelle  est  ceste  droiture:  mais  quand  nous  avons  les  principes  qu'il  nous  a  donnez,  iamais  nous  ne  pouvons  faillir,  s'il  ne  tient  a  nous.  Voila  Dieu  qui  nous  declare,  qu'il  veut  estre  exalte,  et  qu'on  recognoisse  que  tout  bien  vient  de  luy:  apres,  il  veut  aussi  avoir  toute  maistrise  pour  dominer  sur  nostre  vie,  et  y  tenir  une  telle  bride  que  nous  soyons  gouvernez  par  luy,  et  selon  sa  bonne  volonte:  il  veut  que  les  hommes  soyent  du  tout  abbatus  et  vuides  de  fiance  de  leur  iustice,  et  sagesse,  et  vertu:  il  veut  que  nous  venions  puiser  en  nostre  Seigneur  Iesus  Christ,  comme  en  la  fontaine  de  tout  bien:  il  veut  estre  invoque  purement  de  nous:  il  veut  que  les  Sacremens  qu'il  a  ordonnez  soyent  receus  comme  tesmoignages  de  sa  grace,  et  comme  des  moyens  et  aides  pour  nous  soliciter  a  le  servir  d'un  coeur  tant  plus  franc  et