30:45  45  IN  I.  LIB.  SAMUEL.  CAP.  XIV.  46  ceps  Ionathanum  primo  statim  impetu  viginti  homines  stravisse,  primamque  illam  hostium  fuisse  plagam.  Saulem  vero  impetum  in  hostes  facientem  plerosque  Israelitarum  sequutos  fuisse,  tum  qui  Philistaeis  ipsis  erant  immixti,  tum  qui  in  antris  et  specubus  delituerant:  omnes  inquam  ad  Saulem  concurrisse.  Quod  vero  inter  Philistaeos  quidam  fuisse  dicuntur,  non  sic  intelligendum  quasi  quidam  ad  Philistaeos  defecissent:  sed  quod  occupata  regionis  parte  a  Philistaeis  multi  ibi  oppressi  delituerint.  Sic  igitur  Israelitae  Philistaeis  mixti  fuerunt:  et  ne  pedem  movere  quidem,  licet  imminente  gladio  faucibus,  ausi  sunt.  Philistaei  vero  diu  attoniti  tandem  tanto  sunt  terrore  perculsi,  ut  sese  mutuis  vulneribus  confecerint.  Israelitae  vero  illis  immixti  pavorem  illorum  animadverteres,  et  tantum  errorem  ipsis  a  Deo  immissum  ut  sese  mutuo  caederent,  et  quisque  esset  gladio  stricto  adversus  alterum,  animos  sumserunt,  et  reliquis  Israelitis  adiuncti,  fecerunt  in  hostes  territos  et  sese  mutuo  confodientes  impetum.  Ubi  observandum  non  tantum  immissum  illis  a  Deo  terrorem  :  sed  etiam  tantum  stuporem  et  vertiginem  ut  sensu  omni  privati  sint,  et  feris  ipsis  stupidiores  et  crudeliores  fuerint.  Nam  etsi  ferae  periculo  territae  diffugiunt,  non  se  tamen  invicem  dilaniant:  quod  tamen  istis  de  quibus  agimus  contigisse  videmus.  Quod  vero  Dei  terror  in  illos  incidit,  non  sequitur  Deum  illos  timuisse:  cuius  tantum  abest  ut  virtutem  cognoverint  sub  qua  deiicerentur,  ut  contra  blasphemis  vocibus  maiestatem  ipsius  lacerare  non  desinant.  Verum  enimvero  vel  invitos  ac  ringentes  Deum  timere  illos,  etsi  non  cognoscant,  oportet.  Tantus  enim  pavor  animos  illorum  invasit,  ut  in  caput  suum  montibus  cadentibus  sese  perire  sibi  persuadeant.  Atque  hanc  esse  improborum,  Deo  submittere  se  recusantium,  vindictam  videmus,  ut  licet  Dei  maiestatis  cognitionem  omnem  abiicere  nitantur,  tamen  Dei  metu  et  horrore  percellantur.  Et  licet  non  agnoscant  infinitam  illam  maiestatem,  cui  oportet  omnes  subiici:  tamen  quadam  caeca  apprehensione  divinae  potentiae  territi,  etiam  umbram  suam  reformidant,  et  nullis  ipsos  insequentibus,  metu  tamen  diffugiunt.  Et  ita  Deus  illorum  arrogantiam  caecam  ulciscitur,  qui  in  idolum  ipsum  transformant,  et  sua  superbia  virtutem  et  gloriam  ipsius  deiicere  nituntur.  Oportet  igitur  amentes  istos  homines  Deo  sese  submittere  dedignatos,  eiusque  virtutem  ac  potentiam  flocci  facientes  ita  contundi,  ut  de  nihilo  terreantur,  et  umbra  sua,  quibus  Dei  potentia  viluerat,  percellantur:  ut  anxii  et  dubii  ferantur,  nulloque  insequente  diffugiant.  Ex  quibus  discendum,  nobis  Deum  timendum  ut  de  ipsius  auxilio  persuasi  constantiam  invictissimam  in  mille  mortis  discriminibus  retineamus.  Haec  est  enim  fidelium