28:45  45  SUR  LE  DEUTER.  CHAP.  XXII.  46  pourra  bien  estre  cachee,  nous  pourrons  emprunter  quelque  couverture:  mais  cependant  si  ne  sommesnous  point  approuvez  de  Dieu.  Et  que  nous  aura  donc  profite  tout  le  reste?  Et  mesmes  quand  nous  serons  tant  impudens,  comme  auiourd'huy  on  en  voit  beaucoup,  qu'encores  que  les  petis  enfans  cognoissent  leur  villenie,  que  ce  leur  sera  assez  quand  ils  ne  seront  point  conveincus  par  deux  ou  par  trois  tesmoins:  qu'est-ce  que  cela?  Si  donc  nous  avons  soin  de  nostre  bonne  renommee,  qu'en  premier  lieu  nous  cheminions  devant  Dieu  avec  telle  integrite,  que  quand  on  nous  chargera,  que  nous  puissions  appeller  Dieu  pour  nostre  garant,  que  nous  puissions  recourir  a  luy,  pour  dire,  Seigneur,  tu  cognois  que  ie  ne  me  sens  point  coulpable:  qu'il  te  plaise  donc  selon  ta  promesse  avoir  ta  main  estendue  pour  conserver  mon  integrite  :  comme  l'Escriture  dit,  que  Dieu  fera  reluire  la  iustice  des  siens  ainsi  que  l'aube  du  iour.  Que  nous  attendions  quand  nous  serons  ainsi  faussement  denigrez,  que  Dieu  y  provoira:  et  qu'en  la  fin,  apres  que  nous  aurons  este  humiliez  pour  un  temps,  il  monstrera  l'iniure  qu'on  nous  aura  faite.  Mais  recourons  tousiours  a  luy:  ce  qui  ne  se  peut  faire  que  nous  ne  soyons  bien  asseurez  de  nostre  innocence.  Et  au  reste,  advisons  aussi  de  tellement  converser  avec  les  hommes,  que  quand  nous  serons  blasmez,  ils  soyent  contraints  de  dire:  C'est  a  tort:  ou  pour  le  moins  qu'ils  s'esbahissent:  Comment?  et  cest  homme-la  qu'on  a  charge,  s'est  porte  si  vertueusement  qu'il  ne  meritoit  pas  qu'on  le  blasmast.  Ainsi,  que  nostre  vie  responde,  encores  qu'on  nous  blasme  tant  et  plus.  Voila  comme  nous  avons  a  y  proceder.  Et  d'autant  qu'il  est  ici  notamment  parle  des  femmes,  que  celles  qui  voudront  avoir  reputation  de  chastete  advisent  de  cheminer  en  telle  sorte,  qu'il  n'y  ait  nul  souspecon  sur  elles,  qu'il  n'y  ait  point  d'occasion  d'en  parler  en  mal.  Mais  quoy?  Nous  voyons  auiourd'huy  beaucoup  d'affettees  qui  se  prouvent  paillardes,  encores  que  personne  n'en  sonne  mot:  et  cependant  elles  voudront  estre  reputees  femmes  de  bien.  Et  a  quelles  enseignes?  Voila  donc  ce  que  nons  avons  a  retenir  de  ce  que  Dieu  a  ordonne:  Que  si  un  pere  ou  une  mere  se  plaignent,  et  que  la  fille  se  trouve  pure  du  crime,  qu'elle  soit  maintenue  en  son  honneur.  Et  au  reste,  que  si  on  la  trouve  coulpable,  d'autant  qu'elle  s'est  ainsi  plainte,  d'autant  qu'il  y  a  eu  accusation  formee  en  iustice,  et  qu'elle  a  voulu  usurper  un  titre  honorable,  duquel  elle  s'estoit  privee  elle-mesme  par  sa  faute:  que  la  punition  soit  beaucoup  plus  griefve,  qu'on  lapide  une  telle  fille,  encores  qu'elle  n'eust  point  este  auparavant  paillarde.  Et  en  cela  voyons-nous  comme  il  ne  faut  point  craindre  de  punir  les  crimes  pour  crainte  de  fausse  accusation.  Car  auiourd'huy  qui