27:45  SUR  LE  DEUTER.  CHAP.  X.  46  ici  aux  Iuifs,  que  tout  ce  qu'ils  ont  de  bien,  leur  est  provenu  de  l'amour  de  Dieu,  voire  d'une  amour  gratuite.  Car  ils  n'ont  pas  este  aimez  par  dessus  tous  les  autres  peuples,  pour  estre  plus  dignes:  mais  pource  qu'il  a  ainsi  pleu  a  Dieu.  Au  reste,  il  adiouste  que  Dieu  n'a  point  prins  seulement  en  sa  grace  Abraham,  mais  toute  sa  lignee:  tellement  que  l'election  du  peuple  procede  de  la.  Pourquoy  donc  est-ce  que  les  Iuifs  ont  este  ainsi  preferez  a  tout  le  reste  du  monde?  Si  nous  allegons  qu'ils  fussent  meilleurs,  c'est  manifestement  contredire  a  Dieu,  qui  veut  qu'on  cognoisse  en  cest  endroict  sa  pure  grace,  et  sa  bonte.  Concluons  donc  que  Dieu  n'a  point  cerche  la  cause  ailleurs  qu'en  soy:  mais  qu'il  a  ici  voulu  desployer  les  thresors  infinis  de  sa  misericorde,  monstrant  qu'il  ne  doit  rien  a  nulles  creatures:  mais  que  ce  qu'il  porte  de  faveur,  cela  est  pource  qu'il  est  bon,  et  aussi  le  tout  se  doit  rapporter  a  sa  louange.  Comme  l'Escriture  monstre  que  c'est  a  ceste  fin-la  qu'il  a  choisi  de  tout  temps  son  Eglise.  Nous  voyons  maintenant  en  somme  quelle  est  ceste  doctrine:  hier  il  fut  declaire  quel  en  est  l'usage,  c'est  assavoir  ,  que  les  hommes  soyent  abbattus  en  eux-mesmes  pour  exalter  la  bonte  de  Dieu:  et  la  dessus  qu'ils  prennent  tant  meilleur  courage  de  le  servir.  Car  comment  sommes-nous  obligez  a  luy,  quand  il  a  bien  daigne  nous  recevoir  pour  son  heritage,  nous  adopter  pour  ses  enfans,  cependant  qu'il  a  reiette  ceux  qui  estoyent  semblables  a  nous?  Car  si  on  demande  enquoy  nous  differons  d'avec  les  autres,  on  ne  trouvera  rien  en  nos  personnes.  Et  ainsi  puis  que  Dieu  nous  a  tant  estimez,  nous  sommes  tenus  de  le  servir,  et  nous  adonner  du  tout  a  luy.  Mais  cependant  notons  qu'il  y  a  eu  une  election  generale  qui  appartenoit  a  tout  le  peuple,  laquelle  merite  bien  d'estre  prisee:  cependant  elle  ne  profiteront  pas,  sinon  qu'un  chacun  en  son  particulier  en  fust  participant.  Ceci  seroit  obscur  s'il  n'estoit  declare  plus  au  long:  mais  il  sera  rendu  assez  facile,  quand  en  premier  lieu  il  nous  souviendra  de  ce  que  Moyse  enseigne  ici,  et  de  ce  que  nous  avons  desia  veu  auparavant:  c'est  que  Dieu  a  choisi  la  lignee  d'Abraham  d'entre  tout  le  monde.  Et  pourquoy?  Il  luy  a  pleu:  tout  le  monde  estoit  sien  (comme  il  a  este  declaire)  et  tous  les  peuples  luy  estoyent  aussi  prochains,  et  en  pareil  degre  que  ceste  lignee  qui  devoit  venir  d'Abraham.  Qui  plus  est,  il  a  choisi  un  peuple  qui  n'estoit  point,  et  duquel  il  n'y  avoit  point  d'esperance-  Car  Abraham  estoit  semblable  a  un  tronc  de  bois  tout  seche  :  il  n'y  a  point  donc  d'espoir  que  iamais  il  puisse  avoir  lignee.  Sarra  sa  femme  estoit  sterile,  et  tous  deux  estoyent  desia  caduques  quant  a  leur  aage,  et  cassez  en  leurs  corps,  tellement  que  Dieu  choisit  ce  qui  n'est  pas,  et  semble  bien  que  sa  promesse  soit  comme  pendante  en  l'air,