26:45  45  SUR  LE  DEUTER.  CHAP.  II.  46  malice  et  ingratitude  se  trouve  par  tout.  Mais  encores  quan  d  nous  n'aurons  point  de  cause  patente,  qu'apres  avoir  beaucoup  cerche  pourquoy  Dieu  endurcit  les  hommes,  nous  n'y  trouvions  rien,  ne  laissons  pas  pourtant  de  le  glorifier,  encores  que  nous  n'y  voyons  nulle  raison.  Comme  on  pourroit  dire:  Pourquoy  est-ce  que  Sehon  a  este  endurci  plustost  que  les  Moabites,  et  les  Idumeens,  et  les  Ammonites?  Voila  quatre  peuples  qui  sont  pareils,  ie  di  quant  a  malice.  Si  nous  pensons  que  les  Ammonites,  et  Idumeens  ayent  este  meilleurs  que  les  Amorrheens,  c'est  folie  et  abus.  Tous  donc  estoyent  comme  incredules,  qui  eussent  voulu  le  peuple  de  Dieu  estre  du  tout  abysme.  Or  Dieu  fleschit  les  coeurs  des  Ammonites,  et  de  leurs  semblables,  afin  qu'ils  n'entrent  point  en  guerre:  il  les  adoucit  et  les  affoiblit,  comme  si  une  beste  sauvage  estoit  domptee:  et  cependant  ii  endurcit  le  coeur  de  Sehon,  qu'il  se  pieque,  et  s'enflamme,  afin  qu'il  vienne  livrer  la  bataille.  Dont  vient  une  telle  diversite?  Nous  ne  pourrions  pas  alleguer  la  raison,  nostre  esprit  est  trop  rude,  et  trop  debile.  Et  puis,  Dieu  nous  a  oste  son  conseil  en  cest  endroit.  Que  faut-il  donc?  combien  que  nous  soyons  ici  confus,  apprenons  de  faire  cest  honneur  a  Dieu,  qu'il  est  iuste  et  equitable  en  tout  ce  qu'il  fait:  encores  que  la  chose  nous  soit  estrange  selon  nostre  fantasie,  et  qu'il  nous  semble  que  nous  y  pourrions  contredire,  toutesfois  gardons  de  nons  rebecquer,  et  humilions-  nous  sous  la  maieste  de  nostre  Dieu.  Yoila  en  quoy  il  veut  esprouver  l'humilite  des  homnaes:  c'est  qu'en  toutes  ses  oeuvres  nous  le  glorifions,  voire  combien  qu'elles  ne  conviennent,  et  ne  s'accordent  pas  a  nostre  iugement  naturel:  c'est  la  vraye  obeissance  de  foy  que  celle-la.  Et  si  ceux  qui  gazouillent  auiourd'huy  tant  contre  la  providence  de  Dieu,  avoyent  apprins  ce  seul  principe,  c'est  d'honorer  Dieu,  confessans  qu'il  est  iuste,  et  ne  point  mesurer  sa  iustice  selon  leur  cerveau:  il  n'y  auroit  plus  nulle  difficulte.  Mais  quoy?  ce  sont  des  orgueilleux  belistres  qui  se  dressent  contre  Dieu,  et  s'enflent  comme  des  crapaux.  Que  quand  ils  auront  conceu  une  chose,  encores  que  Dieu  en  ait  prononce  tout  a  l'opposite:  ce  leur  est  tout  un,  ils  ne  se  veulent  point  deporter  de  leur  rage.  Mais  cependant  de  nostre  part,  pour  estre  vrais  disciples  de  Dieu,  que  nous  bridions  nos  esprits,  et  les  tenions  captifs  et  serrez  sous  la  doctrine  de  l'Escriture  saincte  :  c'est  assavoir,  que  Dieu  tient  les  coeurs  des  hommes  en  sa  main,  et  quand  il  luy  plaist  il  les  tourne  a  humanite,  comme  nous  voyons  qu'il  en  a  use  en  Egypte.  Voila  les  Egyptiens  qui  ont  este  pleins  de  felonnie  et  de  cruaute,  qu'il  n'estoit  question  que  de  faire  perir  du  tout  ce  povre  peuple  d'Israel.  Or  en  une  minute  de  temps,  qu'il  ne  faut  que  tourner  la  main,  Dieu  besongne  tellement,  que  les