22:45  45  INSTRUCTION  ET  CONFESSION  DE  FOY.  46  dictions  de  la  vie  presente,  lesquelles  sont  recitees  au  Levitique  26  et  au  Deuteronome  27,  mais  aussi  la  remuneration  de  la  vie  eternelle  (Levitique  18).  Dautre  part  il  prononce  vengeance  de  mort  eternelle  contre  tous  ceulx  qui  nauront  accomply  par  oeuvres  tout  ce  qui  est  en  icelle  commande.  Moyse  aussi  ayant  publie  la  loy  (Deuteronome  30)  prent  a  tesmoing  le  ciel  et  la  terre  quil  avoit  propose  au  peuple  le  bien  et  le  mal,  la  vie  et  la  mort.  Mais  combien  quelle  monstre  la  voye  de  vie,  toutesfois  il  nous  fault  voir  que  cest  quelle  nous  peult  proffiter  par  celle  demonstration.  Certes  si  nostre  volunte  estoit  toute  formee  et  rangee  a  lobeissance  de  la  volunte  divine,  la  seule  cognoissance  de  la  Loy  plainement  suffiroit  a  salut.  Mais  puis  que  nostre  nature  charnelle  et  corrurnpue  bataille29)  du  tout  contre  la  Loy  spirituelle  de  Dieu  et  nest  en  rien  amendee  par  la  doctrine  dicelle,  il  reste  que  la  Loy  mesmes,  laquelle  estoit  donnee  a  salut  si  elle  eust  trouve  de  bons  et30)  capables  auditeurs,  tourne  en  occasion  de  peche  et  mort.  Car  puis  que  tous  sommes  convaincuz  estre  transgresseurs  dicelle,  de  tant  que  plus  clairement  elle  nous  manifeste  la  iustice  de  Dieu,  de  tant  plus  elle  nous  descouvre  dautre  part  nostre  iniquite.  Derechief  de  tant  quelle  nous  tient  surprins  de  plus  grande  transgression,  pareillement  elle  nous  rend  coupables  de  plus  grief  iugement  de  Dieu:  et  la  promesse  de  vie  eternelle  ostee  la  seule  malediction  nous  reste,  laquelle  nous  eschoit  a  tous  par  la  Loy.  Que  la  Loy  est  un  degre  pour  venir  a  Christ.  Or  ce  que  liniquite  et  transgression31)  de  nous  tous  est  convaincue  par  le  tesmoignage  de  la  Loy  nest  pas  pourtant  faict  affin  que  nous  tombions  en  desespoir  et  ayans  le  courage  perdu  tresbuschions  en  ruine.  Certes  lapostre  (Rom.  3)  tesmoigne  que  nous  sommes  tous  damnez  par  le  iugement  de  la  Loy,  affin  que  toute  bouche  soit  close  et  que  tout  le  monde  soit  trouve  coupable  devant  Dieu.  Toutesfois  luy  mesme  enseigne  aultre  part  (Rom.  l  l  )  que  Dieu  a  encloz  tous  soubz  incredulite,  non  pas  pour  les  perdre  ou  pour  les  laisser  perir,  mais  affin  quil  face  misericorde  a  tous.  Le  Seigneur  doncques,  apres  nous  avoir  par  la  Loy  admonestez  de  nostre  imbecillite  et  impurite,  il  nous  console  par  la  confiance  de  sa  vertu  et  misericorde,  et  ce  en  Christ  son  filz  par  lequel  il  se  demonstre  a  nous  bienvueillant  et  propice.32)  Car  il  29)  add.  hostiliter.  30)  bons  et  om,  81)  damnatio.  32)  add.  patrem.