9:449  449  AD  PRAECENTOREM  LUGDUNENSEM.  450  ubi  prudentissimi  quique  tyrannidis  vestrae  taedio  ad  eam  reprimendam  digitum  tollent.  Interea  te  admonitum  velim,  quem  Chrysostomum  errore  vocas,  unum  ex  sacramentariis  esse,  qui  aperte  negat  in  eucharistia  esse  Christi  corpus,  sed  duntaxat  in  mysterio  repraesentari.  Quod  caritatem  iacere  deplorat,  in  eo  haud  dubie  famelicis  suis  fraterculis,  1)  qui  ex  quotidiana  missarum  nundinatione  victitant,  gratificari  voluit.  Verum  ut  alium  quemlibet  deceat  sic  loqui,  quid  minus  consentaneum  est  quam  immanem  et  barbarum  Cyclopem  de  caritate  verba  facere  :  cuius  insatiabili  avaritia  et  rapinis  prorsus  se  exhaustos  deplorant2)  miseri  rustici,  qui  eius  ungulis  obnoxii  sunt?  Habent  enim  canonici  Lugdunenses  multos  suae  ditionis  pagos,  quorum  ita,  fit  inter  eos  partitio,  ut  singuli  proprium  possideant,  et  quisque  uberiorem,  s)  pro  antiquitatis  gradu.  Suos  quum  hic  bonus  caritatis  magister  non  secus  excoriet  ac  lanio  in  macello  animalia  quorum  venditurus  est  carnem,  alienis  quomodo  parceret?  Quale  vero  erga  familiarem  suum  et  intimum  amicum  ediderit  tam  humanitatis  quam  fidei  specimen,  breviter  indicare  expediet.  Deposuerat  ille  in  custodiam  Praecentoris  beneficium,  quod  suo  nomine  [pag.  45]  tenere  non  poterat:  quum  reposceret,4)  non  sine  convicio  repulsam  tulit:  ac  si  fidum  custodem  simonia  maculare  vellet.  5)  Respondit  enim  Gabriel,  quum  severe  a  canonibus  damnentur  simulatae  resignationes,  se  in  amici  gratiam  nunquam  fore  simoniacum:  ac  misero  socio,  quem  adeo  improbe  ludebat,6)  fortiter  minitatus  est,7)  nisi  verecunde  a  nefando  scelere  absisteret.  Etsi  autem  a  suorum  congressu  ob  dedecus  reiectus  fuit,  minore  tamen  flagravit  invidia,  quia  talem  quaestum  factitare8)  pridem  consuevit.  Alio  etiam  vitio  laborat  praeclara  eius  exhortatio:  quod  in  eadem  pagina  turbae  et  multitudini  acquiescendum  non  esse  contendit,  et  simul  nostram  paucitatem  ridens,  suae  partis  multitudine  gloriatur.  Quam  iuste  Calvino  exprobret  sedere  ipsum  in  templo  Dei  ut  adoretur,  me  tacente  iudicent  a  minimo  usque  ad  maximum  quicunque  et  sensu  communi  et  aliqua  modestia  et  aequitate  praediti  sunt.  Et  tamen  quasi  plausibilem  occasionem  nactus,  ad-  1)  a  ses  frerots,  povres  falourdiers  qui  gagnent  leur  vie  au  iour  la  iournee  a  chanter  messe.  2)  crient  au  meurtre  estans  espuisez  etc.  3)  et  sont  avancez  en  plus  grasse  prebende.  4)  depuis,  ayant  trouve  moyen  de  permuter,  il  le  redemande.  5)  Gallus  perperam  vertit:  il  est  reboute  comme  simomaque*  6)  non  content  de  se  mocquer  de  son  compagnon  et  de  le  chiffrer  de  son  deport.  7)  de  le  faire  degrader.  8)  il  fait  foire  et  marchandise  d'estre  crocheteur  de  benefices.  Calvini  opera.  Vol  I  X