55:449  449  CAPUT  L  450  Christi  nobis  lavacrum  factus  est,  ut  sordibus  nostris  inquinetur.  Ideo  v  e  t  e  r  a  d  e  l  i  c  t  a  nominat,  quo  intelligit,  vitam  aliter  instituendam  esse,  ex  quo  a  peccatis  mundati  sumus,  Non  quod  purus  es&e  quisquam  possit  ab  omni  vitio,  quamdiu  in  mundo  agit:  vel  quod  mundities,  quam  consequimur  per  Christum,  unica  tantum  venia  constet:  sed  quod  ab  infidelibus  differre  nos  oporteat  ex  quo  Deue  nos  sibi  segregavit.  Tametsi  ergo  quotidie  peccamus,  et  quotidie  nobis  Deus  ignoscit,  et*  Christi  sanguis  nos  a  peccatis  mundat:  non  tamen  peccatum  in  nobis  regnare  debet,  quin  praevaleat  sanctificatio  spiritus.  Ita  enim  Paulus  1.  Corinth,  capite  6,  l  l  ,  Et  haec  quidam  fuistis,  sed  abluti  estis,  etc.  10.  Quamobrem  magis,  fratres,  studete  firmam  vestram  vocationem  et  electionem  facere:  haec  enim  si  feceritis,  non  cadetis  unquam,  ll.  Sic  enim  abunde  subministrabitur  vobis  ingressus  in  regnum  aeternum  Domini  nostri  et  servatoris  Iesu  Christi.  12.  Itaque  non  negligam  vos  semper  de  iis  commonefacere,  etiamsi  noveritis,  et  confirmati  sitis  in  praesenti  veritate.  13.  Iustum  autem  arbitror,  quamdiu  sum  in  hoc  tabernaculo,  excitare  vos  admmitione:  14.  quum  sciam  brevi  me  depositurum  hoc  tabernaculum:  quemadmodum  et  Dominus  Iesus  manifestavit  mihi.  15.  Dabo  autem  operam  ut  etiam  semper  post  meum  discessum  possitis  horum  habere  memoriam.  10.  MagtSy  fratres,  studete.  Concludit  hanc  esse  unam  rationem  qua  nos  a  Domino  vere  electos  et  non  frustra  vocatos  probemus,  si  bona  conscientia  et  vitae  integritas  fidei  professioni  respondeat  Infert  autem  plus  adhibendum  esse  studii  ac  diligentiae,  quia  prius  dixerat,  fidem  non  debere  esse  sterilem.  Nonnulli  codices  habent  bonis  operibus:  sed  hoc  de  sensu  nihil  mutat,  quia  subaudiendum  est,  etiamsi  non  exprimatur,  V  o  c  a  t  i  o  n  e  m  priore  loco  nominat,  quae  tamen  ordine  est  posterior.  Ratio  est,  quia  electio  plus  habet  momenti.  Est  autem  haec  recta  orationis  dispositio,  ut  subiiciatur  quod  praeponderat.  Sensus  ergo  est  :  Studete  ut  re  ipsa  testatum  fiat,  vos  non  frustra  vocatos  esse,  imo  electos.  Quamquam  hic  de  vocatione  loquitur,  ut  est  effectus  ac  testimonium  electionis.  Si  quis  pro  eodem  sumere  malit,  non  repugno:  quia  scriptura  interdum  discrimen,  quod  est  inter  duas  istas  voces,  confundit.  Ego  tamen  quod  magis  probabile  mihi  visum  est,  adduxi.  Nunc  exoritur  quaestio,  an  vocationis  nostrae  et  electionis  stabilitas  bonis  operibus  nitatur.  Nam  si  ita  est,  sequetur  a  nobis  pendere.  Atqui  tota  scriptura  docet,  primum  in  aeterno  Dei  proposito  fundatam  esse  Dei  electionem  :  deinde  vocationem  gratuita  eius  bonitate  inchoari  et  perfici.  Sophistae,  ut  ad  nos  quod  proprium  est  Dei  gratiae  transferant,  hoc  testimonio  abuti  solent.  Cvlvini  opera.  Vol.  LV.