54:449  449  SUR  L'EPITRE  A  TITE.  450  ne  demeurions  tousiours  possesseurs  de  la  doctrine  qu'il  nous  a  commise.  Or  combien  que  ceci  soit  tant  necessaire,  si  voit-on  qu'il  est  tres-mal  prattique.  Car  combien  en  trouvera-on  auiourd'huy  qui  ayent  une  telle  constance  pour  retenir  ferme  et  de  pres  la  verite  de  Dieu  quand  elle  aura  este  cognue?  On  a  veu  l'experience  quand  cest  Interim  diabolique  est  venu,  que  beaucoup  se  sont  revoltez,  et  ont  mieux  aime  nager  entre  deux  eaux,  que  d'acquerir  la  haine  du  monde.  Or  c'estoit  par  faute  d'avoir  medite  ceste  exhortation  de  sainct  Paul,  d'avoir  cognu  que  nul  n'est  propre  pour  enseigner,  sinon  qu'il  se  soit  resolu  de  tenir  bon  sans  flechir.  Et  pleust  a  Dieu  que  les  exemples  en  fussent  bien  loin.  Mais  quoy?  Il  se  trouvera  beaucoup  de  prescheurs  qui  seroyent  aussi  prests  de  mettre  en  avant  PAlchoran  de  Mahommet,  ou  un  breviaire  du  Pape,  que  l'Evangile:  moyennant  qu'ils  facent  leur  profit,  et  se  maintienent,  moyennant  qu'ils  ayent  tousious  leur  souppe,  et  leur  escuelle  toute  preste,  ce  leur  est  tout  un.  Ils  diront  assez  qu'ils  tienent  la  reformation  de  l'Evangile,  mais  ils  sont  chevaux  de  loage,  et  ne  sont  pas  dignes  encores  d'estre  accomparez  aux  bestes  brutes,  mais  ce  sont  des  macquereaux  qui  se  transfigurent  en  toutes  sortes,  et  ne  leur  chaut  de  tout  ce  qu'on  leur  dit:  moyennant  qu'ils  retienent  la  grace  des  hommes,  ce  leur  est  assez.  Or  malheur  sur  telles  gens,  et  double  mal-heur,  car  il  faudra  qu'ils  sentent  qu'en  despit  de  leurs  dents  ils  ne  peuvent  fuir  le  siege  iudicial  de  celuy  qui  a  desia  prononce  ceste  horrible  sentence  de  condamnation  sur  leurs  testes.  Ainsi,  quoy  qu'il  en  soit,  de  nostre  coste  advisons  bien,  puis  que  nostre  Seigneur  nous  a  commis  pour  maintenir  sa  verite,  et  la  defendre  contre  tous  assauts,  encores  que  le  monde  debate  contre  nous,  que  nous  ne  laissions  point  de  passer  outre:  comme  nous  voyons  que  le  Prophete  Ieremie  est  envoye  a  ceste  conditition-la,  Ils  combatront  contre  toy,  mais  ils  ne  gagneront  rien.  Et  pourquoy?  Que  tu  ayes  un  front  d'airain  pour  hurter  contre  tous  ceux  qui  te  voudroyent  resister.  Il  est  vray  que  cela  est  notamment  dit  a  Ieremie,  mais  en  sa  personne  Dieu  nous  a  voulu  bailler  une  regle  de  ce  que  nous  avons  a  faire.  Or  venons  maintenant  a  ce  que  sainct  Paul  adiouste,  touchant  de  faire  valoir  la  doctrine:  c'est  pour  exhorter  ceux  qui  se  laissent  conduire  paisiblement,  et  pour  redarguer  les  contredisans.  Nous  scavons  qu'un  bon  Pasteur  aura  une  voix  douce  et  amiable  pour  appeller  et  assembler  son  troupeau.  Et  sur  cela  il  est  dit  de  Iesus  Christ,  que  les  fideles  oyent  sa  voix,  et  la  scavent  bien  discerner  d'avec  la  voix  d'un  estranger,  pour  la  suyvre,  et  pour  se  ranger  sous  sa  houlette.  Mais  ce  n'est  point  assez  qu'un  pasteur  attire  son  troupeau,  qu'il  le  recueille,  vini  opera.  Voi.  LIV.