5:449  DE  LA  GENE.  TEsglise  ancienne.  C'est  qu'on  figuroit,  par  gestes  et  maniere  de  faire,  une  espece  de  sacrifice,  quasi  d'une  mesme  ceremonie  qu'il  y  avoit  eu  en  l'ancien  Testament,  excepte  que  au  lieu  d'une  beste  brute,  on  usoit  du  pain  1)  pour  hostie.  Pource  que  cela  approche  trop  du  Iudaisme,  et  ne  respond  pas  a  l'institution  du  Seigneur,  ie  ne  l'approuve  pas.  Oar  en  l'ancien  Testament,  du  temps  des  figures,  le  Seigneur  avoit  ordonne  telles  ceremonies,  en  attendant  que  ce  sacrifice  feust  faict  en  sa  chair2)  lequel  [pag.  44]  en  estoit  l'accomplissement.  Depuis  qu'il  a  este  parfaict,  il  ne  reste  plus  sinon  que  nous  en  recevions  la  communication:  et  ainsi3)  c'est  chose  superflue  de  le  plus  figurer.  Et  ainsi  porte  l'ordre  que  Iesus  Christ  nous  a  laissee,  non  pas  que  nous  offrions  ou  immolions,  mais  que  nous  prenions  et  mangeons4)  ce  qui  a  este  oifert  et  immole.  Toutesfoys,  combien  qu'il  y  ayt  eu  quelque  infirmite  en  une  telle  observation,  si  n'y  avoit-il  pas  une  impiete  telle  qu'elle  est  depuis  survenue.  Car  on  a  du  tout  transfere  a  la  Messe  ce  qui  estoit  propre  a  la  mort  de  Christ,  c'est  de  satisfaire  a  Dieu  pour  noz  debtes,  et  par  ce  moyen  nous  reconcilier  a  luy.  D'avantage,  l'office  de  Iesus  Christ  a  este  attribuee  a  ceux  qu'on  nommoit  prestres,  c'est  de  sacrifier  a  Dieu,  et,  en  sacrifiant,  interceder  pour  nous  acquerir  grace  et  pardon  de  noz  faultes.  Ie  ne  veux  pas  dissimuler  les  solutions  qu'alleguent  en  cest  endroit  les  ennemis  de  verite.  C'est  que  la  Messe  n'est  pas  un  sacrifice  nouveau,  mais  seullement  [pag.  45]  une  application  du  sacrifice  unicque  dont  nous  avons  parle.  Combien  qu'ilz  colorent  un  petit  leur  abomination  en  parlant  ainsi,  toutesfois  ce  n'est  que  une  pure  cavillation.  Car  il  n'est  pas  dict  seullement  que  le  Sacrifice  de  Christ  est  unicque,  mais  qu'il  ne  doibt  iamais  estre  reitere,  entant  que  l'efficace  en  demeure  a  tousiours.  Il  n'est  pas  dict  que  Christ  s'est  une  foys  offert  au  Pere,  a  fin  que  d'aultres  apres  feissent  la  mesme  oblation  pour  nous  applicquer  la  vertu  de  son  intercession.  Mais  qu'il  est  entre  au  Sanctuaire  celeste,  et  que  la  il  apparoit  pour  nous  rendre  le  Pere  propice  par  son  intercession.  Quant  est  de  nous  applicquer  le  merite  de  sa  mort,  a  fin  que  nous  en  sentions  le  fruict,  cela  se  faict  non  pas  en  la  maniere  qu'on  a  estime  en  TEsglise  papalle,  mais  quand  nous  recevons  le  message  de  l'Evangile,  ainsi  qu'il  nous  est  testifie  par  la  predication  des  ministres,  lesquelz  Dieu  a  constituez  comme  ses  Ambassadeurs,  et  seelle  par  les  Sacremens.  L'opinion  [pag.  46]  de  tout  le  peuple  a  este  approuvee  1)  de  pain,  1549  ss.  2)  en  sa  chair  1541;  en  la  chair  de  son  Filz  bien  ayme,  1542  ss.;  in  carne  filii  sui,  Gailas.  3)  et  ainsi,  1541;  par  quoy,  1542  ss.  4)  mangeons,  1541.  1542;  mangions  1549  ss.  Calvini  opera.  Vol.  F.