25:449  449  COMMENTARIUS  IN  IOSUE  CAP.  III.  450  si  hostes  suos  iam  sterni  et  pessum  dari  videret.  Neque  enim  Deus  opus  manuum  suarum  in  medio  cursu  mutilum  et  inchoatum  deserit.  Ut  Deus  in  haereditatem  promissam  suos  inducat,  Iordane  interciso  siccum  iter  patefacit.  Quid  ergo  magis  perversum,  quam  in  momentaneo  illo  actu  subsistere,  nec  confidere  in  futurum  tempus,  donec  pacata  obtingeret  terrae  fruitio?  Prudenter  itaque  hoc  exemplo  contexere  discamus  quae  ad  salutis  nostrae  summam  pertinent  Dei  beneficia,  ut  laeta  exordia  spem  similis  exitus  foveant  et  alant  in  animis  nostris.  Quod  autem  dicit  Iosue  populum  ex  miraculo  cogniturum  Dei  praesentiam,  oblique  diffidentiam  eius  perstringit:  quia  ad  solidam  certitudinem  sufficere  simplex  Dei  promissio  debuerat,  in  qua  sola  nisi  fundata  sit  nostra  fides,  subinde  vacillare  necesse  est.  Verum  quamvis  proprie  in  una  Dei  veritate  rocumbere  debeat  fides,  id  tamen  non  obstat,  quin  experimentalis  cognitio  eam  adiuvet  tanquam  secundaria  imbecillitatis  eius  fultura,  et  subsidium  eius  confirmationi  utile.  Nam  et  Deus  quod  nobis  voce  pollicitus  est  re  ipsa  obsignat,  et  quotquot  nobis  proponit  suae  gratiae  et  virtutis  documenta,  totidem  vult  esse  approbationes  suae  vocis  et  ad  eximendam  dubitationem  adminicula.  l  l  .  Ecce  Arca  Dominatoris.  Primo  dicit  arcam  praeituram:  deinde  explicat  in  quem  finem:  nempe  ut  loco  cedat  Iordanis  tanquam  Dei  conspectu  tremefactus,  ut  in  Psalmo  (114)  dicitur.  Quae  autem  de  viris  duodecim  inseritur  narratio  abrupta  est:  quia  breviter  tantum  delibat  quae  postea  fusius  et  clarius  tradet.  Nunc  solum  teneamus,  quum  arca  praecessit,  Deum  suam  virtutem  explicuisse  in  regendo  populo.  Atque  hac  ratione  commendata  fuit  cultus  legalis  sanctitas,  quum  perspicerent  Israelitae  non  inane  esse  quod  Deus  apud  ipsos  deposuerat  suae  praesentiae  symbolum.  Neque  enim  aliter  quam  si  Iordani  conspicua  fuisset  Dei  maiestas,  in  eius  obsequium  coactus  est.  Simul  tamen  meminerimus,  non  alia  ratione  adductum  esse  Deum  ut  gratiam  suam  in  arca  exsereret,  nisi  quia  illic  tabulas  sui  foederis  locaverat.  Porro  quia  res  difficilis  erat  creditu:  animos  populi  revocat  Iosue  ad  considerandam  quae  omnes  difficultates  superat  Dei  potentiam.  Neque  enim  frigidum  est  elogium  Dominatoris  universae  terrae,  quo  hic  Deus  insignitur:  sed  eius  imperium  extollit  supra  omnia  mundi  elementa,  ne  dubitent  Israelitae,  quum  sub  eius  ditione  sint  maria  et  fluvii,  aquas,  licet  natura  sint  fluidae,  solo  eius  nutu  fore  stabiles.  14.  Et  fuit,  quum  proficisceretur  populus  ad  transeundum  Iordanem,  sacerdotes  qui  portabant  arcam  foederis  erant  ante  populum,  15.  Postquam  autem  venerunt  qui  portabant  arcam  usque  ad  Iordanem,  et  pedes  sacerdotum  portantium  arcam  intincti  Calvini  opera.  Vol.  XXV.