20:449  449  SUPPLEMENTUM.  450  ecclesiasticae  delicasti.2)  Quod  vero  nullae  tibi  a  me  literae  venerunt,  clarissime  vir  et  mihi  ex  animo  colende,  non  tantum  ut  meis  occupationibus,  quibus  illic  fui  assidue  et  absque  ulla  relaxatione  districtus,  imputes  rogo:  sed  alia  excusatione  utor  quod,  quum  mihi  nunciatum  esset  te  procul  abesse  ab  Austria  diemque  reditus  esse  incertum,  obrepsit  mihi  nescio  quae  segnities,  quae  me  ad  discessum  usque  tenuit.  Negabis  hanc  fuisse  legitimam  cessandi  causam,  neque  ego  contra  disputo  :  tantum  ingenue  retuli  quid  me  tunc  ab  officio  impedierit.  Nunc  ubi  alterum  exemplar  mihi  oblatum  est,  dolui  fuisse  laborem  tibi  duplicatum,  ac  praesertim  quum  mihi  integrum  non  sit  voto  tuo  morem  gerere.  Cupis  hac  de  re  copiose  tibi  ac  diligenter  meum  consilium  exponi.  Ego  vero,  quia  res  est  apprime  ardua  et  difficilis,  neque  ad  eam  ingenium  meum  sic  applicui  ut  idoneus  mihi  videar  iudex,  sententiam  meam,  ne  temeritatis  damner,  interponere  non  audeo.  Nonnihil  forte  in  sermone  familiari  proferrem.  Sed  quia  neque  res  mihi  probe  meditata  est  et  longam  exercitationem  flagitat,  a  scriptione  supersedere  malo  quam  onus  suscipere  cuius  solo  aspectu  terreor.  Adde  quod  forma  illa,  quae  abs  te  missa  est,  a  peritis  artificibus  se  compositam  fuisse  ostendit:  quam  si  limando  polire  tentavero,  timendum  est  ne  deteram.  Ne  tamen  existimes  nimis  praecise  omnia  me  tibi  negare,  methodum  summopere  placere  non  dissimulo,  paucis  tantum  exceptis.  Atque  utinam  eo  quem  describis  ordine  iam  composita  esset  historia,  quam  et  fides  commendaret  et  ornaret  dexteritas.  Quanquam  autem  incredibilis  erit  labor,  spem  tamen  aliquam  incomparabilis  huius  thesauri  nobis  fieri  vehementer  gaudeo.  Caeterum  in  aliis  tibi  libenter  subscribens,  an  singulas  annorum  centurias  in  certos  libros  distribui  expediat  nescio.  Accidet  enim  ut  decem  anni  uberiorem  quam  integrum  saeculum  texendae  historiae  materiam  suppeditent.  Quare  praefixa  lege  ad  annorum  numerum  adstringi,  usus  docebit,  nisi  fallor,  non  esse  consentaneum  neque  utile.  Atque  haec  libertas  praestantissimis  historiis  3)  placuit,  ut  oblatae  rerum  copiae  potius  quam  annis  libros  aptarent.  Atque  etiam  hoc  videris  animadvertisse,  dum  correctionem  addis  spatiis  certa  ratione  sumptis.  Sed  tamen  admonitio  haec  mea  non  supervacua,  opinor,  neque  intempestiva  erit.  Distinctio  quam  proponis  2)  delibasti?  delineasti?  .-  Methodus  illa  quam  Calvino  proposuerat  fortassis  excerpta  fuit  ex  libello:  De  ecclesiastica  historia  quae  Magdeburgi  contexitur  narratio,  contra  Menium  et  scholasticorum  Wittebergensem  epistolas  a  gubernatoribus  et  operariis  eius  historiae  edita.  Witt.  1558.  4.  Caeterum  Nostri  consilia  post  festum  venerunt  quum  iam  medio  a.  1557  primae  tres  Centuriae  absolutae  fuerint  Cf.  Preger  Flacius  IL  419  sqq.  3)  lege:  historicis.  Calvini  opera.  Vol.  XX.