9:448  quae  pretiosum  thesaurum  in  omnes  Europae  partes  advehant.  Verum  quid  te  insipidius,  qui  saltem  non  olfacis  quanta  librorum  copia  et  varietas  papatum  e  suis  sedibus  quotidie  depellat?  Quod  vero  dicit  Melanchthonem  a  Luthero  descivisse,  l)  libenter  amplector:  quando  causam  nostram  non  vulgariter  adiuvat  eius  viri  consensus,  quem  tametsi  mortuo  Luthero  liberius  confessus  est,  eius  tamen,  non  obscura  documenta  vivo  illo  ediderat.  Illius  vero  libros  Genevae  excudi  cur  vetaret  Calvinus,  qui  deterrima  hostium  suorum  scripta  ingenue  publicanda  curavit?  Imo  nisi  te2)  prorsus  excaecasset  furor,  scires  quaedam  ex  Lutheri  scriptis  in  Gallicam  linguam  versa,  urbis  et  typographi  nomen  habere  inscriptum.  Quoscunque,  vero  eius  libros8)  emere  qui  volet,  reperiet  venales  in  tabernis.  Nec  vero  a  tuo  vaticinio  metuit  Calvinus,  dum  brevem  interitum  minaris  [pag.  43]  eius  operibus,  quia  nihil  solidum  contineant,  sed  inani  verborum  fuco  sint  referta,  ut  si  verborum  ambages  tollantur,  et  rhetoricae  flosculi,  maledicta  in  sacramenta,  et  in  ecclesiam  scommata,  Hortensii  aut  Laurentii  Vallae  potius  sit  quam  Christi  discipulus,  grammaticus  aut  rhetor  magis  quam  theologus  reperiatur.  Crede  mihi,  qua  est  simplicitate,  nullos  ex  tua  censura  aculeos  sentiet.  Sed  ex  te  scire  velim,  bone  iudex,  quid  tibi  in  mentem  venerit,  Laurentium  Vallam  Hortensio  coniungere:  deinde  quo  consilio  Hortensium  elegeris,  a  quo  nulla  syllaba  relicta  est,  unde  coniiceres  Calvinum,  vel  minimo  lineamento,  aliquam  eius  imitationem  referre.  Sed  nimis  acriter  urgeo.4)  Tantum  quaero,  quem  tibi  de  theologia  sententiam  ferenti  crediturum  putes.  Si  permittunt  sodales  ut  in  mensis  quidvis  tibi  arroges,  an  tibi  in  luce  inter  sobrios  ac  sanos  homines,  atque  etiam  eruditos,  idem  concessum  iri  speras?  Praefatio  vero  demonstrat  quam  idoneus  feit  eloquentiae  iudex  aut  arbiter,  quisquis  fuerit  eius  opifex  et  architectus.  Caeterum  ut  tuam  stultitiam  despicere  ac  ridere  possumus,  ita  scito  nos  cordatiores  esse,  quam  ut  totius  mundi  ingratitudo,  si  omnes  essent  tui  similes,  cursum  nostrum  impediat.  Oleum  quo  rex  Galliae  ungitur,  o)  adulatione  tua  magnifice  extollis,  quo  regem  ipsum,  si  tuis  naeniis  fidem  haberet,  in  obsequium  papae  mancipes.  Seditiones,  quae  semper  a  vobis  accensae  sunt,  aut  certe  aliunde  exarserunt,6)  inique  nobis  [pag.  44]  obiicis.  Quod  ex  Chrysostomo  citas  paucitatem  magistram  esse  verae  disciplinae:  vide  ne  breviter  retractare  cogat  experientia  1)  Add.  touchant  la  matiere  de  la  cene.  2)  ce  Chan  tre  sans  melodie.  3)  les  autres  qui  ont  este  imprimez  ca  et  la.  4)  Ie  haste  trop  un  asne.  5)  L'huile  de  la  saincte  Amople.  6)  Add.  dont  nous  ne  pouvons  mais.