52:448  Ac  si  diceret:  nihil  est  quod  mihi  negare  sustineas,  etiamsi  teipsum  poscerem.  Eodem  spectant  quae  sequuntur  de  hospitio  et  aliis,  ut  mox  videbimus.  Restat  una  quaestio,  quomodo  pecuniae  solutionem  promittat  qui  nisi  adiutus  fuisset  ab  ecclesiis,  non  habebat  unde  parce  et  frugaliter  viveret.  Videtur  certe  in  hac  penuria  et  egestate  ridicula  esse  promissio:  sed  facile  est  videre  hac  loquendi  forma  Paulum  deprecari  ne  quid  a  servo  resposcat  Philemon,  etsi  enim  non  ironiee  loquitur,  obliqua  tamen  figura  petit  ut  nomen  hoc  inducat  et  deleat  Sensus  ergo  est,  Nolo  ut  cum  servo  tuo  litiges,  nisi  me  velis  eius  loco  habere  debitorem.  Nam  statim  addit  Philemonem  esse  prorsus  suum.  Qui  vero  totum  hominem  sibi  vendicat,  non  est  cur  de  solvenda  pecunia  sit  sollicitns.  20.  Certe  frater,  ego  te  fruar  in  Domino:  ref  ocilla  mea  viscera  in  Domino.  21.  Persuasus  de  tua  obedientia  scripsi  tibi,  sciens  etiam  quod  supra  id  quod  scribo,  facturus  sis.  22.  Simul  vero  praepara  mihi  hospitium:  spero  enim  quod  etiam  per  vestras  precationes  donabor  vobis.  23.  Salutant  te  Epaphras  concaptivus  meus  in  Christo  Iesu,  24.  Marcus,  Aristarchus,  Demas,  Lucas  cooperarii  mei.  25.  Gratia  Domini  nostri  Iesu  Christi  cum  spiritu  vestro.  Amen.  20.  Certe  frater.  Haec  affirmatio  ad  hortandi  vehementiam  posita  est  Ac  si  dixisset:  tunc  constabit  demum,  nihil  a  me  tibi  separatum  esse,  quin  et  ipse  mihi  vere  sis  addictus,  et  tua  omnia  mei  arbitrii  sint,  si  abolitis  offensis  in  gratiam  recipias  qui  sic  mihi  coniunctus  est  Ac  iterum  repetit  idem  loquendi  genus  de  viscerum  refocillatione.  Hinc  vero  colligimus,  fide  evangelii  non  everti  politicum  ordinem,  neque  ius  ac  imperium  abrogari  dominis  in  servos.  Neque  enim  unus  ex  plebe  erat  Philemon,  sed  in  excolenda  Christi  vinea  Pauli  cooperarius:  et  tamen  non  eripitur  dominatio  in  servum  quae  legibus  permissa  erat,  sed  tarir  tum  humaniter  data  venia  eum  recipere  iubetur.  Imo  suppliciter  deprecatur  Paulus  ut  pristinum  locum  obtineat  Porro  tam  submissa  Pauli  deprecatio  admonet  quam  a  vera  resipiscentia  procul  adhuc  absint  qui  contumaciter  sua  vitia  excusant:  vel  sine  pudore  et  sine  humilitatis  signo  sic  fatentur  se  peccasse  ac  si  nunquam  peccassent  Certe  quum  tam  illustrem  Christi  apostolum  videret  Onesimus  tam  anxie  sua  causa  rogare,  multo  magis  humiliari  oportuit,  quo  heri  sui  animum  ad  clementiam  flecteret  Huc  pertinet,  quod  excusat  se  confidentius  scripsisse,  quia  sciret  Philemonem,  plusquam  rogatus  esset,  facturum.  22.  Simul  vero  praepara.  Haec  fiducia  instar  stimuli  esse  debuit  ad  permovendum  Philemonem:  deinde  spem  gratulationis  ei  facit  suo  adventu.  Quamquam  autem  nescitur  an  solutus  postea  fuerit  Paulus  ex  vinculis:  nihil  tamen  est  absurdi,  si  spes,  qualem  de  temporali  Dei  beneficio  conceperit,  eum  frustrata