47:448  tum  mortui  sola  eius  gratia  in  vitam  restituimur.  Qua  de  re  satis  multa  diximus  supra  capite  tertio  et  quinto.  Quod  Christi  nomen  potius  dixit  quam  Christum,  huius  loquutionis  ratio  exposita  fuit  primo  capite  ad  v.  12.  Eo  se  referat  lector,  si  videbitur,  ne  saepius  eadem  iterando  molestus  sim.  CAPUT  xxi.  1.  Postea  manifestavit  se  iterum  Iesus  discipulis  ad  mare  Tiberiadis:  manifestavit  autem  sic.  2.  Erant  simul  Simon  Petrus  et  Thomas,  qui  dicitur  Didymus,  et  Nathanael,  qui  erat  a  Cana  Galilaeae,  et  filii  Zebedaei  et  alii  ex  discipulis  eius  duo.  3.  Dicit  eis  Simon  Petrus:  Vado  piscatum:  dicunt  ei:  Venimus  et  nos  tecum.  Exierunt  et  adscenderunt  in  navem  statim  et  illa  nocte  nihil  ceperunt.  4.  Mane  autem  iam  facto  stetit  Iesus  in  litore  :  non  tamen  cognoverunt  discipuli  quod  Iesus  esset.  5.  Dicit  eis  Iesus:  Pueri,  num  quid  obsonii  habetis?  Responderunt  ei:  Non.  6.  At  ille  dixit  eis:  Mittite  in  dexteram  navigii  partem  rete  et  invenietis.  Miserunt  ergo  et  iam  non  valebant  illud  trahere  prae  multitudine  piscium,  7.  Dicit  ergo  discipulus  ille1  quem  diligebat  Iesus,  Petro:  Dominus  est.  Simon  ergo  Petrus  quum  audisset,  tunica  succinxit  se  (erat  enim  nudus),  et  misit  se  in  mare.  8.  Alii  autem  discipuli  navigiolo  venerunt,  (non  enim  longe  aberant  a  terra,  sed  circiter  cubitis  ducentis),  trahentes  rete  piscium.  9.  Ut  ergo  descenderunt  in  terram,  viderunt  prunas  positas  et  piscem  superpositum  et  panem.  10.  Dicit  eis  Iesus:  Afferte  de  piscibus,  quos  prendidistis  nunc.  ll.  Adscendit  Simon  Petrus  et  traxit  rete  in  terram  plenum  magnis  piscibus,  centum  quinquaginta  tribus:  et  quum  tot  essent,  non  est  scissum  rete.  12.  Dicit  eis  Iesus:  Venite,  prandete.  Et  nemo  discipulorum  audebat  interrogare  eum:  Tu  quis  es?  quum  scirent  quod  Dominus  esset.  13.  Venit  itaque  Iesus  et  accipit  panem  et  dat  eis  et  piscem  similiter.  14.  Hac  iam  tertia  vice  manifestatus  est  Iesus  discipulis  suis,  postquam  resurrexerat  a  mortuis.  1.  Postea  manifestavit.  Incumbit  adhuc  evangelista  in  Christi  resurrectionem  probandam,  ac  narrat  septem  eum  discipulis  apparuisse  :  inter  quos  Thomam  numerat,  non  tam  honoris  causa,  quam  quod  eius  testimonio  citius  credendum  est,  quo  magis  obstinata  fuit  eius  incredulitas.  Est  autem  satis  prolixus  evangelista,  quia  circumstantias  omnes  diligenter  colligit,  quae  ad  certitudinem  historiae  faciunt.  Lacum  Tiberiadis  more  hebraico  mare  vocari,  alibi  diximus.  3.  Vado  piscatum.  Quod  operam  piscationi  dabat  Petrus,  non  debet  videri  alienum  eius  officio.  Flatu  ordinatus  fuerat  apostolus,  ut  nuper  visum