9:447  447  GRATULATIO  448  bis  fingitur  esse  Christi  mactatio,l)  et  quo  expiatio  2)  eius  morte  parta  exinanitur.  Sacramenta  autem  nequiter  mentiris  fuisse  conculcata,  quibus  reddita  fuit  integritas,  quum  vestris  corruptelis  sceleste  foedata  essent.  Nam  adulterina  figmenta,  quibus  falso  impositum  erat  illud  nomen,  e  medio  tolli  oportuit,  si  vellent  nostri  ecclesiam  stercoribus  purgare.  3)  Qua  fronte  coeli  et  inferni  te  vindicem  ostentas,  quum  tua  [pag.  41]  impietas  omnibus  foeteat,  non  minus  quam  vitae  spurcities:  constet  autem  nostrorum  omnium  scriptis  vitam  hominum  ad  serium  Dei  timorem  et  pietatis  studium  rectius  ac  magis  dextre  centuplo  formari,  quam  tota  librorum  congerie  4)  qui  unquam  in  papatu  editi  sunt?  Hac  sua  magniloquentia  adeptum  se  existimat  ut  unus  solo  nutu  par  sit  ad  sedandos  omnes  Galliae  motus.  Perinde  enim  concionatur  ac  Cato  quispiam  e  nubibus  delapsus.  Nugator,  si  fallaci  gravitatis  specie  fidem  acquirere  tibi  optabas,  cur  a  mendacio  exorsus  es,  quod  iam  dixi  ab  infestissimis  quoque  nostris  hostibus  refelli  posse?  Deprehensos  dicis  fuisse  Lutetiae,  qui  exstinctis  lucernis  foeda  se  invicem  libidine  contaminarent.  Non  rogo  ut  cognitio  suscipiatur:  carnifices  ipsos  tuae  stultitiae  pigebit;  quia  semel  pudefacti,  tam  frivolas  naenias  cuperent  sepultas  esse.6)  Porro  quia  tota  concio  ex  ventosis  rabiosi  hominis  spumis  conflata  se  ipsam  frangit,  eam  praetereo.  Clamet  Gabriel:  Hic  siste  gradum  Gallia,  et  provide  attende  quos  tumultus  et  tragoedias  excitaverit  haeretica  rabies  ubicunque  grassata  est.  Declamitet  adversus  Psalmos:  quid  aliud  quam  foetorem  suum  exhalando  ingenuos  omnes  et  cordatos  ad  iracundiam  provocat,  aliis  suppeditat  ridendi  materiam,  apud  sodales  vero  suam  impudentiam  detegit?  Mirum  vero  est,  si  nos  omnes  tam  secure  contemnit,  ut  simulat,  tanta  intemperie  eum  [pag.  42]  ardere.  Certe  nisi  rara  quaedam  eum  torqueret  anxietas,  suas  lautitias  stylo  quoque  prae  se  tulisset.  6)  Haec  vero  inter  se  minime  conveniunt,  quod  doloris  amarulentiam  tota  praefatione  evomens  triumphos  de  nobis  et  nostrorum  hominum  libris  magnificos  agit.  Nulla  secundum  eum  ferme  fit  mentio  librorum  Lutheri,  nisi  forte  in  aliquo  Saxoniae  angulo.  Nempe  7)  haec  ratio  est  cur  vacuum  locum  occupaverit.  Succedat  igitur  in  vicem  librorum  Lutheri  Gabrielis  praefatio.  8)  Denunciet  per  cursores,  ut  ad  vecturam  praesto  sint  carrucae,9)  1)  oblation.  2)  reconciliation.  3)  dont  elle  estoit  souillee  comme  une  estable.  4)  tous  les  bobulaires.  5)  pource  que  s'estans  trouvez  confus  en  tant  de  tortures  qu'ils  ont  donnees  ils  seroyent  contens  que  tout  fust  enseveli.  6)  il  parJeroit  plus  ioyeusement.  7)  Ie  voy  bien  que  c'est  etc.  8)  la  ferialle  Preface.  9)  chariots  et  mulets.