55:447  447  EPIST.  PETRI  II  448  passim  hoc  summum  hominis  bonum  esse  definit,  Deo  fieri  penitus  conformem.  Verum  ut  errorum  nebulis  obvolutus  erat,  postea  ad  sua  commenta  delabitur.  Nos  vero  supervacuis  speculationibus  omissis,  hoc  uno  contenti  simus,  ea  lege  reparari  in  nobis  Dei  imaginem  in  sanctitate  et  innocentia,  ut  simus  tandem  aeternae  vitae  et  gloriae  socii,  quantum  ad  plenam  beatudinem  necesse  est.  Ubi  fugeritis.  Iam  exposuimus  hoc  esse  apostoli  consilium,  ut  proposita  coelestis  gloriae,  ad  quam  nos  Deus  invitat,  dignitate  nos  abstrahat  a  vanitate  huius  saeculi.  Porro  naturae  divinae  mundi  corruptionem  opponit.  Sed  hanc  non  in  elementis  quae  nos  circumstant,  sed  in  corde  nostro  esse  ostendit:  quia  illic  regnant  vitiosi  et  pravi  affectus,  quorum  fontem  vel  radicem  voce  concupiscentiae  notat.  Ergo  ita  locatur  in  mundo  corruptio,  id  sciamus  in  nobis  esse  mundum.  5.  Atque  in  hoc  ipsum  omne  studium  applicantes,  subministrate  in  fide  vestra  virtutem,  in  virtute  autem  scientiam.  6.  in  scientia  vero  temperantiam,  in  temperantia  autem  patientiam,  in  patientia  vero  pietatem,  7.  in  pietate  autem  fraternum  amorem,  in  fraterno  vero  amore  caritatem.  8.  Haec  enim  si  vobis  adsint,  et  abunde  suppetant,  non  otiosos  neque  infructuosos  constituent  vos  in  cognitione  Domini  nostri  Iesu  Christi.  9.  Cui  enim  haec  non  adsunt,  caecus  est,  manu  palpans,  purgationis  oblitus  veterum  delictorum.  5.  Atque  in  hoc.  Quoniam  arduum  ac  immensae  molis  opus  est  corruptionem  quae  in  nobis  est  exuere:  ad  eam  rem  contendere  et  eniti  iubet.  Quo  significat,  non  esse  hic  ignaviae  locum,  nec  lente  vel  oscitanter  obsequendum  esse  vocanti  Deo:  sed  alacri  studio  opus  esse:  ac  si  diceret:  exserite  omnem  conatum,  ac  in  medium  proferte.  Id  enim  valet  participium  quo  utitur.  Subministrate  in  fide.  Ostendit  quorsum  fideles  eniti  deceat,  nempe  ut  fidem  habeant  honestis  moribus,  prudentia,  tolerantia,  et  caritate  ornatam.  Fidem  ergo  significat  non  debere  nudam  esse  vel  inanem,  sed  has  esse  individuas  eius  comites.  Subministrare  in  fide,  est  fidei  adiungere.  Non  tamen  hic  proprie  est  gradatio,  quantum  ad  sensum  attinet,  utcunque  verbis  appareat.  Neque  enim  tolerantiam  ordine  sequitur  caritas,  vel  ex  ea  procedit.  Quare  ita  simpliciter  resolvi  potest  oratio:  Date  operam  ut  ad  fidem  vestram  accedant  virtus,  prudentia,  temperantia,  et  quae  sequuntur.  Virtutem  pro  honesta  et  bene  composita  vita  accipio:  neque  enim  hic  est  evepyeca,  sed  aperi].  Scientiam,  pro  ratione  prudenter  agendi.  Postquam  enim  generale  nomen  posuit,  praecipuas  quasdam  homines  christiani  dotes  enumerat.    mutuus  est  inter  filios  Dei  amor.  Caritate  la-