54:447  447  SERMON  VI  448  Dieu,  quand  oo  preschera  sans  scavoir  a  quelle  fin,  ni  a  quel  usage.  Notamment  donc  sainct  Paul,  apres  avoir  mis  qu'il  faut  que  la  parole  de  Dieu  soit  fidele  et  droite,  il  adiouste  qu'elle  doit  aussi  servir  au  salut  des  ames,  que  ceux  qui  escoutent,  n'ayent  point  perdu  leur  temps,  et  que  celuy  qui  parle,  ne  bate  point  l'air  d'une  voix  inutile  et  sans  fruict,  mais  qu'on  appercoyve  que  c'est  pour  le  bien  et  pour  le  salut  de  tous  que  la  parole  de  Dieu  se  presche.  Et  voila  pourquoy  aussi  au  douzieme  chapitre  des  Romains  il  dit,  Celuy  qui  enseigne,  qu'il  le  face  avec  doctrine.  La  sainct  Paul  monstre  qu'il  nous  faut  employer  quand  nous  sommes  appelez  en  charge  publique,  tellement  que  le  tout  se  rapporte  a  l'edification  de  l'Eglise,  et  a  tout  le  corps:  que  ceux  qui  doyvent  enseigner,  ne  cherchent  point  leur  gloire  pour  se  faire  valoir,  et  pour  se  monstrer:  mal-heur  sur  eux  quand  ils  seront  menez  d'une  telle  ambition:  mais  qu'ils  se  contentent  d'avoir  profite  et  servi  a  l'Eglise  de  Dieu.  Pour  ceste  cause  (dit  sainct  Paul)  celuy  qui  enseigne,  qu'il  le  face  avec  enseignement,  a  ce  que  le  docteur  s'applique  a  doctrine.  Nous  voyons  donc  maintenant  que  c'est  d'avoir  parole  fidele,  et  de  l'avoir  selon  doctrine:  c'est  que  la  verite  soit  purement  anoncee  sans  y  mesler  nulle  invention  humaine,  que  les  fideles  soyent  asseurez  de  leur  foy,  et  qu'ils  en  ayent  une  resolution  telle,  qu'ils  ecachent  de  qui  ils  la  tienent.  Et  au  reste,  qu'ils  ne  soyent  point  repeus  de  vaines  curiositez,  mais  que  nous  ayons  une  pasture  ferme  qui  soit  pour  apporter  bonne  substance  a  nos  ames.  Car  quand  on  nous  preschera  des  subtilitez  qui  nous  plaironf,  et  que  nous  n'en  recevrons  aucun  fruict,  c'est  autant  comme  si  on  nous  avoit  souffle  force  vent,  le  ventre  nous  en  crevera,  nous  aurons  les  boyaux  assez  pleins  et  farcis:  mais  quoy?  ou  est  la  nourriture?  Or  nostre  Seigneur  veut  que  sa  parole  nous  soit  viande,  comme  il  en  est  parle  au  sixieme  chapitre  de  sainct  Iehan.  Il  faut  donc  que  nous  en  recevions  instruction,  ou  autrement  il  n'y  aura  qu'ordure,  il  n'y  aura  que  vanite  en  tout  ce  qu'on  nous  apportera.  Combien  qu'on  ne  puisse  dire,  Voila  un  erreur,  voila  une  heresie,  ce  n'est  point  assez  :  mais  il  faut  que  quant  et  quant  nous  disions,  Nous  avons  profite,  Dieu  nous  a  fait  ceste  grace,  d'autant  que  nous  avons  ouy  sa  parole.  Et  pourquoy?  Car  nous  voyons  qu'elle  nous  est  anoncee  afin  que  nous  puissions  concevoir  une  telle  certitude  que  nous  ne  vaguions  point  comme  les  povres  ignorans,  et  que  nous  scachions  comme  nous  avons  apprehende  sa  grace  et  misericorde,  voire  pour  ^stre  du  tout  appuyez  sur  icelle:  que  nous  venions  a  Iesus  Christ  pour  estre  asseurez  de  nostre  salut,  scachans  quel  est  son  office,  et  les  biens  inestimables  qu'il  nous  a  apportez  :  que  nous  scachions  que  c'est  d'invoquer