52:447  447  COMMENTARIUS  448  noscit.  Hinc  colligit,  Philemonem  multo  illi  coniunctiorem  esse,  quia  par  et  eadem  in  Domino  sit  necessitudo  utrique  vel  secundum  spiritum:  secundum  carnem  vero  Onesimus  membrum  sit  ipsius  familiae.  Hic  demum  perspicitur  rara  Pauli  modestia,  qui  fraterno  titulo  nullius  pretii  mancipium  dignatur:  imo  fratrem  sibi  coniunctissimum  nominat.  Et  certe  nimiae  superbiae  foret,  si  quos  pro  fratribus  habere  pudeat  quos  Deus  in  filiis  suis  censet.  Quod  autem  dicit,  quanto  magis  tibi,  his  verbis  non  significat  Philemonem  gradu  superiorem  esse  secundum  spiritum:  verum  sensus  est,  Quum  mihi  potissimum  sit  frater,  tibi  magis  esse  debet,  quum  duplex  sit  inter  vos  coniunctionis  vinculum.  Caeterum  quia  certo  statuendum  est  Paulum  non  temere  nec  futiliter  (ut  plerique  solent)  pro  homine  non  satis  cognito  spondere,  ac  extollere  eius  fidem,,  antequam  firmis  documentis  eam  expertus  esset:  memorabile  poenitentiae  specimen  nobis  in  Onesimo  proponitur.  Scitur  quam  prava  fuerint  servorum  ingenia,  ut  vix  centesimus  quisque  ad  bonam  frugem  unquam  veniret  lam  ex  fuga  coniicere  licet,  consuetudine  et  habitu  obduruisse  Onesimum  ad  malitiam.  Rara  ergo  et  admirabilis  virtus,  sic  repente  exuere  quae  imbiberat  vitia,  ut  vere  testari  possit  apostolus,  iam  alium  hominem  esse  factum.  Ex  eodem  fonte  nobis  oritur  utilis  doctrina,  Dei  eiectos  interdum  modo  incredibili  praeter  communem  sensum  per  flexuosas  ambages,  imo  per  labyrinthos  ad  salutem  adduci.  Vivebat  Onesimus  in  domo  pia  et  sancta:  inde  suis  maleficiis  exulans,  quasi  data  opera  procul  se  a  Deo  et  vita  aeterna  subducit.  Atqui  exitialem  eius  fugam  Deus  occulta  providentia  mirabiliter  dirigit,  ut  in  Paulum  incidat  17.  Si  ergo  me  habes  consortem.  Hic  se  magis  adhuc  submittit,  fugitivo  ius  honoremquo  suum  resignans,  et  quasi  eum  substituens  suo  loco:  quemadmodum  se  paulo  post  sponsorem  eius  loco  subiiciet.  Magni  enim  referebat,  Onesimo  placabilem  et  humanum  esse  dominum,  ne  eum  immodicus  rigor  ad  desperationam  impelleret.  Idcirco  tam  anxie  laborat  Paulus.  Et  nos  eius  exemplo  monemur  quanto  studio  adiuvandus  sit  peccator  qui  resipiscentiam  nobis  suam  probavit.  Quod  si  nostrarum  partium  est,  apud  alios  intercedere  ad  impetrandam  poenitentibus  veniam,  multo  magis  benigne  et  clementer  excipiendi  a  nobis  sunt.  18.  Si  vero  qua  in  re  te  laesit  Hinc  colligere  licet,  aliquid  etiam  domino  furatum  esse  Onesimum  ut  mos  fugitivis  fuit.  Et  tamen  sceleris  invidiam  mitigat  quum  addit,  vel  si  quid  debet.  Neque  enim  contracta  erat  civilis  ratio  inter  eos,  sed  tantum  propria  noxa  obstrictus  erat  servus  domino.  Tanto  itaque  maior  Pauli  humanitas,  qui  pro  maleficio  quoque  satisfacere  paratus  est.  Particula  ista,  ne  dicam  quod  et  teipsum  mihi  debes,  exprimere  voluit  quantam  habeat  impetrandi  fiduciam.