5:447  DE  LA  CENE.  a,  fin  de  n'estre  exclus  d'un  si  grand  bien,  et  consequemment  de  toutes  les  graces  desquelles  la  privation  s'en  ensuit.  Les  secondz  ont  quelque  couleur,  pource  qu'ilz  prennent  cest  argument:  a  scavoir,  que  s'il  n'est  pas  licite  de  manger  le  pain  commun  avec  ceux  qui  se  nomment  freres  et  menent  vie  dissollue  et  meschante;  par  plus  forte  raison,  il  nous  fault  garder  de  communiquer  avec  eux  au  pain  du  Seigneur,  lequel  est  sanctifie  pour  nous  representer  et  dispenser  le  corps  de  Christ.  Mais  la  response  n'est  pas  trop  difficile:  que  ce  n'est  pas  l'office  d'un  chascun  particulier  de  iuger  et  discerner,  pour  admettre  ou  deschasser  qui  bon  lay  semble:  veu  que  ceste  prerogative  appartient  a  toute  l'Esglise  en  general,  ou  bien  au  Pasteur,  [pag.  39]  avec  les  Anciens  qu'il  doibt  avoir  pour  luy  assister  au  gouvernement  de  l'Esglise.  Car  sainct  Paul  ne  commande  pas  d'examiner  les  autres,  mais  qu'un  chascun  s'examine  soymesme.  Bien  est  vray  que  nostre  debvoir  est  de  admonester  ceux  que  nous  voyons  vivre  desordonnemcnt,  et  s'ilz  ne  vous  veulent  escouter,  d'en  advertir  le  pasteur  a  fin  qu'il  y  procede  par  auctorite  ecclesiasticque.  Mais  ce  n'est  pas  le  moyen  de  nous  retirer  de  la  compaignie  des  meschans,  en  quittant  la  communion  de  l'Esglise.  D'avantage,  il  adviendra  le  plus  souvent,  que  les  crimes  ne  sont  pas  si  notoires,  qu'on  puisse  venir  iusque  a  excommunication.  Car  combien  que  le  pasteur  iuge  en  son  cueur  quelque  homme  indigne,  toutesfois,  il  n'a  pas  le  povoir  de  le  pronuncer  tel  et  luy  interdire  la  Cene,  sinon  qu'il  le  puisse  convaincre  par  iugement  ecclesiasticque.  En  tel  cas,  n'avons  autre  remede  que  de  prier  Dieu  qu'il  vueille  delivrer  de  plus  en  plus  son  Esglise  de  tous  scandales,  en  attendant  le  iour  dernier  [pag.  40]  auquel  la  paille  1)  sera  plainement  separee  du  bon  grain.  Les  troisiesmes  n'ont  nulle  apparence  de  verisimilitude.  Car  ce  pain  spirituel  ne  nous  est  pas  donne  a  fin  que  nous  en  soulions2)  du  premier  coup:  mais  plustost  a  fin  qu'en  ayant  eu  quelque  goust  de  sa  douceur,  nous  appetions  3)  d'avantage  et  en  usions  quand  il  nous  est  offert.  C'est  ce  que  nous  avons  cy  dessus  expose,  que  ce  pendant  que  nous  conversons  en  ceste  vie  mortelle,  Iesus  Christ  ne  nous  est  iamais  communicque  en  telle  sorte,  que  noz  ames  en  soient  du  tout  rassasiees,  mais  nous  veult  estre  en  nourriture  continuelle.  Pour  venir  au  quatriesme  poinct  principal  :4)  le  Diable  scachant  que  nostre  Seigneur  n'avoit  rien  laisse  plus  utile  a  son  Esglise  que  ce  sainct  Sacre-  1)  Au  lieu  de  paille  on  Ut  dans  la  premiere  edition  (1541)  :  parolle.  2)  que  nous  nous  en  soulions,  1549  ss.  3)  nous  l'appelons,  1549  ss.  4)  La  premiere  edition  ornet  cette  phrase:  Pour  lenir  au  quatriesme  poinct  principal.