37:447  447  IN  ISAIAM  448  rum  hoc  profanis  contemptoribus  non  dicitur  quos  nulla  ecclesiae  cura  tangit,  sed  qui  pio  studio  eius  se  filios  esse  declarant.  Vivendi  verbo  certam  experientiam  exprimit  ne  de  eventu  fideles  dubitent,  sed  vaticinium  hoc  plena  certitudine  amplexi  ecclesiae  orbitatem  patienter  ad  tempus  ferant.  Similitudine  hoc  idem  illustrat,  ossa  eorum  dicens  recuperatura  novum  vigorem,  sicuti  nerbae  emortuae  reflorescunt.  Ossa  vero  nominat,  quae  ut  tristis  spiritus  desiccare,  ita  alacer  et  laetus  replere  et  vegetare  solet.  Vehementem  ergo  et  incomparabilem  laetitiam  designat:  ac  videtur  alludere  ad  tristitiam  qua  pii  in  exsilio  fere  contabuerant  ut  aridi  mortuisque  hominibus  similes  redditi  essent.  Eos  ergo  consolatur  Dominus,  atque  florentem  bonisque  omnibus  abundantem  ecclesiam  promittit,  ac  si  ossa  succo  carentia  novum  vigorem  recuperarent:  sicuti  herba,  quae  hyeme  emortua  videtur,  quotannis  germinat.  Postea  iterum,  ut  fiduciam  concipiant,  assurgere  ad  Deum  iubet,  qui  tunc  patefaciet  suum  auxilium.  Sequitur  autem  non  semper  cognitam  fuisse  Dei  manum,  sed  aliquamdiu  ignotam  latuisse,  ac  si  nullam  suorum  curam  haberet.  Nam  in  specie  videbatur  ipsos  abiecisse,  quum  Daniel  aliique  pii  non  minus  quam  Zedechias  in  exsilium  abducti  essent.  Ergo  ubi  illuxerit  serenitas,  discrimen  bonorum  et  malorum  tale  fore  dicit,  ut  conspicua  sit  haec  manus  quae  prius  quodammodo  abscondita  erat:  quia  non  dissimulabit  amplius,  nec  impios  grassari  sinet,  sed  aperte  ostendet  quantam  pro  suis  curam  gerat.  Ergo  si  ad  tempus  praevalent,  atque  impune  grassantur  hostes:  si  negligi  ac  destitui  omni  auxilio  videmur,  ne  desperemus:  quia  veniet  tempus  quo  se  patefaciet  Dominus,  nosque  ab  eorum  iniuriis  et  tyrannide  vindicabit  15.  (Quoniam.)  Haec  hypotyposis  eo  spectat  ut,  quum  pii  sceleratos  homines  in  eorum  miseriis  exsultare  magisque  ac  magis  insolescere  vident,  ne  propterea  deflectant  a  recta  via,  aut  animum  despondeant:  nec  enim  solummodo  voluit  percellere  impios  qui  nullis  moventur  minis,  omniaque  subsannant,  sed  pios  consolari  ut  se  beatos  esse  sentiant  quod  sub  tutela  Dei  sint,  nec  propterea  se  adiungant  impiis  quod  prospere  iis  omnia  succedunt.  His  ergo  potissimum  consulit,  ut  Dei  tutela  et  gratia  contenti  sint.  Caeterum  an  extremum  quoque  iudicium  comprehendat  cum  temporalibus  poenis,  quibus  iam  impios  persequi  incipit,  ambigi  potest.  Ego  vero  non  dubito  quin  illud  quoque  simul  cum  iis  complecti  velit,  quae  aeterni  iudicii  tantummodo  praeludia  sunt.  (Veniet.)  Hoc  fieri  coepit  quum  populo  Babylonem  abducto  hostes  domesticos  ultus  est  Deus.  Ex  quo  autem  impletum  fuit  redemptionis  tempus,  armata  manu  impias  gentes  durius  aggressus  est,