7:446  ciat:  unde  etiam  concludit,  nihil  hominem  boni  facere,  quod  Deus  in  ipso  non  faciat.  *).  Quid  ergo,  inquies,  sibi  vult  Augustinus,  quum  de  libertate  voluntatis  loquitur?  Nempe,  quod  toties  repetit:  non  cogi  homines  invitos  Dei  gratia,  sed  voluntarios  regi,  ut  sponte  pareant  ac  sequantur:  ideo  tamen,  quia  eorum  voluntas  ex  mala  versa  sit  in  bonam.  Unde  illud:  Nos  ergo  volumus,  sed  Deus  in  nobis  operatur  et  velle.  Nos  operamur,  sed  Deus  efficit  et  operari.  Item:  Bonum,  quod  non  tenemus  nisi  propria  voluntate,  non  tamen  tenebimus,  nisi  operetur  in  nobis  et  velle.  Item:  Certum  est,  nos  velle  quum  volumus:  sed  ille  facit  ut  velimus.  Certum  est,  nos  facere  quum  facimus:  sed  ille  facit  [pag.  173]  ut  faciamus,  praebendo  vires  efficacissimas  voluntati.  2)  Haec  sit  summa:  Perperam  eos  facere,  qui  sic  inter  Deum  et  nos  partiuntur,  ut  obedientiam  piae  voluntatis,  quae  Dei  gratiae  assentitur,  ad  nos  transscribant  :  quum  proprium  sit  ipsius  Dei  opus.  Sed  insistunt  prophetae  verbis:  quod  conversionem  a  nobis  exigendo  liberum  arbitrium  compellet:  quod  frustra  faceret,  eorum  quidem  opinione,  nisi  aliquod  esset  liberum  arbitrium.  Fateor  sane,  absurdas  fore  eiusmodi  loquutiones,  nisi  esset  aliqua  in  homine  voluntas.  Non  tamen  propterea  concedo,  liberam  obsequendi  facultatem  inde  posse  colligi.  Valde  enim  novitios  esse  oportet  venerandos  istos  patres,  si  ex  praeceptis  aestimant  quid  valeat  homo:  quum  ideo  potius  requirat  a  nobis  Deus,  quod  supra  vires  nostras  est,  ut  imbecillitatis  nostrae  convicti  superbiam  omnem  exuamus.  Meminerimus  ergo,  aliud  esse  voluntatem  in  homine,  aliud  liberam  boni  ac  mali  electionem.  Sublata  enim  post  lapsum  primi  hominis  eligendi  libertate,  sola  voluntas  relicta  est,  quae  sub  peccati  tyrannide  captiva  usque  adeo  tenetur,  ut  non  nisi  ad  malum  feratur.  Porro,  ne  longius  hic  immoremur,  dico  aperte  pugnare  quod  hic  pronunciant  Tridentini  patres  cum  illa  Christi  sententia:  Quisquis  [pag.  174]  audivit  a  patre  meo,  venit  ad  me  (Ioann.  6,  45).  Nam,  ut  prudenter  animadvertit  Augustinus,  inde  sequitur,  nullum  a  Deo  audire  et  discere,  quin  simul  in  Christum  credat,  motumque  spiritus  sancti  sic  esse  efficacem,  ut  fidem  semper  gignat.3)  Constituunt  autem  hoc  in  hominis  optione,  ut  Dei  inspirationi,  si  velit,  auscultet.  Haec  nullo  modo  inter  se  conciliari  possunt:  omnes  qui  a  Deo  didicerint,  Christo  credere,  et  non  aliter  valere  ratamque  esse  Dei  inspirationem,  nisi  homines  ex  se  ipsis  assentiantur.  Prioris  sententiae  autorem  habemus  filium  Dei,  qui  secum  minime  dissidet.  Secundam  ergo,  1)  Lib.  ad  Bonif.  2,  c.  8.  2)  Lib.  2.  de  bono  pers.  c.  13.  Lib.  2.  de  gratia  et  lib.  arbitrio  c.  23.  3)  (Je  praedestinatione  Sanctorum  lib.  1,  c.  8.