55:446  Propria  gloria  et  virtute.  Receptior  quidem  lectio  est;  Per  gloriam:  sed  quia  quidam  codices  habent  !Sta  Sogi),  hoo  est,  propria  gloria:  atque  ita  reddidit  vetus  interpres,  hanc  lectionem  amplecti  malui:  quia  sic  melius  videtur  fluere  sententia.  Nam  Petri  consilium  est,  diserte  adscribere  uni  Deo  totam  salutis  nostrae  laudem:  ut  sciamus  nos  illi  omnia  debere.  Id  autem  clarius  exprimitur  his  verbis,  Quod  nos  vocaverit  propria  gloria  et  virtute.  Altera  tamen  lectio,  licet  obscurior,  in  eundem  finem  spectat.  Docet  enim  nos  ignominia  esse  opertos  et  penitus  vitiosos,  donec  nos  gloria  vestiat  Deus,  et  virtute  ornet.  Porro  hunc  vocationis  effectum  in  electis  esse  significat,  ut  reparetur  in  ipsis  gloriosa  Dei  imago,  et  reformentur  in  sanctitatem  et  iustitiam.  4.  Quibus  maximae.  Dubium  est  an  gloriam  et  virtutem  tantum,  an  vero  superiora  etiam  referat.  Tota  difficultas  inde  oritur,  quod  gloriae  et  virtuti,  quas  nobis  Deus  confert,  hoc  non  convenit.  Quod  si  legamus:  Propria  gloria  et  virtute,  nihil  erit  ambiguum  nec  perplexum.  Quaecunque  enim  nobis  a  Deo  promissa  sunt,  proprie  et  merito  virtutis  eius  et  gloriae  effectus  censeri  debent.  Qnamquam  hic  quoque  variant  codices.  Nam  aliqui  habent  5?  Sy  propter  quem:  ut  ad  Christum  referatur.  Utramvis  lectionem  eligas,  hic  tamen  sensus  manebit,  Dei  promissiones  primum  maximi  aestimandas:  deinde  gratuitas  esse,  quia  nobis  dono  sint  oblatae.  Excellentiam  vero  promissionum  inde  ostendit,  quod  nos  tandem  efficiant  naturae  divinae  consortes:  quo  nihil  praestantius  cogitari  potest.  Cogitandum  enim  est  unde  nos  Deus  in  tantum  honoris  culmen  evehat.  Scimus  quam  abiecta  sit  naturae  nostrae  conditio:  quod  ergo  Deus  ita  se  nostrum  facit  ut  sua  omnia  quodammodo  nostra  sint,  huius  gratiae  amplitudo  satis  percipi  animis  non  potest.  Quare  haec  una  meditatio  abunde  sufficere  nobis  debet,  ut  mundo  renuntiantes,  toti  in  coelum  feramur.  Notemus  ergo  hunc  esse  evangelii  finem,  ut  aliquando  conformes  Deo  reddamur:  id  vero  est  quasi  deificari,  ut  ita  loquamur.  Caeterum  naturae  nomen  hic  non  substantiam,  sed  qualitatem  designat.  Manichaei  olim  nos  ex  traduce  Dei  ortos  somniabant,  et  tandem  decurso  vitae  stadio  ad  originem  nostram  reverti.  Sunt  et  hodie  fanatici  homines  qui  sic  in  Dei  naturam  transire  nos  imaginantur,  ut  ipsa  naturam  nostram  absorbeat  Sic  exponunt  quod  Paulus  dicit  (1.  Cor.  15,  18),  Deum  futurum  omnia  in  omnibus.  Eodem  quoque  locum  praesentem  trahunt.  Atqui  nunquam  eiusmodi  delirium  sanctis  apostolis  in  mentem  venit:  tantum  dicere  voluerunt,  nos  omnibus  carnis  vitiis  exutos,  sed  divinae  immortalitatis  beataeque  gloriae  fore  participes,  ut  simus  velut  unum  eum  Deo,  quantum  modulus  noster  feret*  Haec  doctrina  non  prorsus  ignota  fuit  Platoni,  qui