52:446  ecclesiae  vices  obit:  unde  sequitur,  communem  piis  omnibus  curam  pro  ipso  incumbere,  ne  in  unius  hominis  persona  evangelium  deserant:  sicuti  saepe  fieri  solet.  14.  Ut  non  quasi.  Hoc  ex  generali  regula  sumptum  est,  non  alia  placere  Deo  sacrificia  nisi  quae  voluntaria  sunt.  Ita  et  de  eleemosynis  idem  Paulus  loquitur  2.  Corinth.  9,  7,  TO  ayaftov  hic  pro  beneficentia  capitur.  Et  necessitas  voluntati  opponitur,  ubi  liberae  alacritatis  experimentum  capi  non  potest.  Nam  quod  liberaliter  suscipitur  officium,  non  alieno  impulsu,  solidam  laudem  demum  meretur.  Notatu  etiam  dignum  est  quod  Paulus  praeteriti  temporis  culpam  pro  Omnesimo  agnoscens,  mutatum  esse  affirmat:  ac  ne  dubitet  Philemon,  alio  ingenio  et  novis  moribus  servum  ad  se  redire,  Paulus  eius  resipiscentiam  proprio  experimento  sibi  compertam  esse  dicit  15.  Forte  enim  ideo  separatus  fuit  ad  tempus,  ut  perpetuo  eum  retineret.  16.  Non  iam  ut  servum,  sed  super  servum  fratrem  dilectum  maxime  mihi,  quanto  magis  Ubi  in  carne  et  in  Domino?  17.  Si  igitur  me  habes  consortem,  suscipe  eum  tanquam  me.  18.  Si  vero  qua  in  re  te  laesit,  vel  aliquid  debet,  id  mihi  imputa:  19.  ego  Paulus  scripsi  mea  manu,  ego  solvam:  ut  ne  dicam  tibi  quod  et  teipsum  mihi  debes.  15.  Forte  enim  ideo  separatus.  Si  quid  ex  hominum  peccatis  iracundiae  contraximus,  mitigari  convenit,  ubi  videmus  quae  perverse  alioqui  egerant  Dei  consilio  in  alium  finem  conversa  esse.  Laeta  etim  catastrophe  in  malis  quasi  remedium  est,  quod  nobis  ad  delendas  offensas  Dei  manu  porrigitur.  Ita  Ioseph,  dum  admirabili  Dei  providentia  factum  esse  reputat  ut,  pro  mancipio  venditus,  in  eum  tamen  locum  evectus  foret  unde  fratres  et  patrem  alere  posset,  perfidiae  et  crudelitatis  fratrum  oblitus,  so  praemissum  esse  dicit  eorum  causa.  Paulus  ergo  servi  fuga  non  debere  tantopere  Philemonem  offendi  admonet,  quia  boni  non  poenitendi  causa  fuerit.  Nam  quum  animo  esset  fugitivus,  illum  domi  suae  habens  Philemon,  non  vere  possidebat:  quum  pravus  esse  ac  infidus,  non  poterat  ipso  commode  frui.  Dicit  ergo  paulisper  vagatum  esse,  ut  locum  mutando  alius  fieret,  ac  rediret  novus  homo.  Et  prudenter  omnia  temperat,  quum  fugam  vocat  discessum:  et  addit,  illum  ad  tempus  fuisse.  Postremo  brevi  iacturae  commodi  usus  perpetuitatem  opponit.  Fugae  quoque  utilitatem  aliam  in  medium  citat,  quod  non  modo  eius  occasione  correctus  sit  Onesimus,  ut  frugi  servus  esse  incipiat:  sed  quod  factus  sit  domini  frater.  Porro  ne  recenti  adhuc  offensa  exulceratus  animus  fraternum  nomen  aegre  admitteret,  Paulus  illum  primo  loco  fratrem  ag-