20:446  Nobili  et  multis  virtutibus  eximio  viro  D.  Gaspari  a  Nydbruck  Regiae  Romanorum  Maiestatis  et  Serenissimi  Bohemiae  Regis  consiliario  Ioannes  Calvinus.  S.  Retulit  mihi  nuper  unus  ex  librariis  nostris  domum  reversus,  quum  per  Austriam  iter  faciens  tibi  forte  in  diversorio  oblatus  esset,  eximie  vir,  hac  te  occasione  fuisse  laetatum  quod  me  salutari  tuo  nomine  cuperes.  Porro  signum,  quo  mihi  in  memoriam  revocavit  quisnam  esses,  protinus  agnovi,  ac  te  conceptam  ex  brevissimo  colloquio  amicitiam  adhuc  in  animo  fovere  plurimum  gaudeo.  Hoc  vero  non  tam  privati  in  me  amoris  quam  pietatis  tuae  et  prudentiae  testimonium  fuit,  hominem  quondam  mihi  infensum  tuo  consilio  et  hortatu  cohibitum  fuisse  ne  libro  publice  edito  bilem  in  me  emoveret.  Etsi  ante  nomen  tacuisti,  ex  vicinia  tamen  Gallum  *)  Danubii  accolam  esse  suspicor  de  quo  iam  ante  annum  Philippus  me  admonuit.2)  Utinam  aliorum  quoque  intemperies  fuisset  eodem  modo  serenata.  Verum  maiore  fertur  impetu  quam  ut  remedium  ullum  ad  sanitatem  efficax  inveniatur.  Inter  alios  Ioachimus  Westphalus  sua  me  importunitate  coegit  ad  edendam  refutationem3)  cuius  exemplar  tibi  mitto.  Mallem,  si  liceret,  aliis  scriptionibus  operam  impendere  :  sed  pro  tua  aequitate  intelligis  quia  4)  me  officii  necessitas  ad  hoc  certamen  compulerit.  Una  me  spes  solatur,  si  forte  discussis  errorum  nebulis  tempestas  ista  serenitatem  pariat.  Quid6)  mihi  etiam  tuo  mandato  narravit  librarius  noster,  magnum  aliquid  agitari  quod  bonis  omnibus  non  vulgare  gaudium  afferret,  meque  hortatus  est  ut  successum  qualis  optandus  est  assiduis  votis  a  Domino  precarer,  hoc  ego  probabili  coniectura  ductus  ad  Regem  filium  6)  retuli,  cuius  in  manum  et  potestatem  ventura  esse  dicitur  regio  prope  nobis  contigua.  Quod  si  eius  opera  et  autoritate  Christi  regnum  propagari  contingat,  iusta  omnibus  Dei  filiis  erit  gratulationis  causa.  Quum  ante  annos  quindecim  agerem  in  Germania,  praeclaram  eius  indolem  omnes  laudabant.  Postea  virtutum  maturitas  celebrata  fuit,  ac  inprimis  studium  pietatis,  cuius  fructum  brevi  emergere  cupio,  et  mihi,  simul  ac  data  fuerit  facultas,  abs  te  promitti  libenter  ominor.  Vale,  praestantissime  vir  et  frater  mihi  colende.  4179  bis.  1)  Nicolaum  Eatisponensem  ministrum  (N.  2196.  2610.)  2)  jss.  2204.  3)  St  quid  videmus  agit  de  secunda  Defensione  m.  Ianuar  io  1556  edita.  CProiegg.  IX.  16.)  4)  In  hoc  vocabulo  latet  error:  quae?  5)  legendum  videtur:  Quod.  6)  MaXimilianum  {cf.  N.  2385)  fama  provinciis  Austriacis  anterioribus,  quae  vocabantur,  praefectum  iri  perhibebat