8:445  445  EXPOSITION  DU  PSEAULME  LXXXVII.  446  cela  se  doibt  rapporter  a  Dieu;  car  ceste  facon  de  parler  est  assez  commune  aux  Hebrieux,  de  mettre  le  relatif  devant  le  nom  de  celuy  duquel  il  ent  tenu  propos.  Le  sens  donc  est  tel:  que  le  fondement  de  Dieu  est  es  montaignes  sainctes.  Plusieurs  ont  expose  ce  mot  de  l'Eglise  ou  du  Temple:  mais  cela  ne  peut  convenir.  Aucuns  Pont  entendu  du  Pseaulme,  comme  s'il  estoit  dict  que  l'argument  ou  le  subiect  du  Pseaulme  est  de  traicter  des  sainctes  montaignes  ou  le  Temple  estoit  basti  ;  mais  cela  n'est  non  plus  convenable.  Or  comme  i'ay  desia  touche,  l'intention  du  Prophete  est  telle:  que  Dieu  a  choisi  les  sainctes  montaignes  pour  y  fonder  sa  ville  royale,  Ierusalem  et  son  Temple;  car  il  s'ensuyvra  puis  apres  au  texte,  que  le  Souverain  mesmes  l'establira.  Il  est  bien  certain  que  Dieu  est  le  vray  et  principal  fondateur  de  toutes  les  villes  du  monde:  mais  ce  tiltre  si  excellent  n'est  attribue  a  nulle  autre  ville  qu'a  Ierusalem:  Que  ce  soit  le  repos  eternel  de  Dieu,  et  qu'il  y  habitera,  pource  qu'il  l'a  esleue  (Pseaulme  132,  14).  Nous  avons  tousiours  a  noter  ceste  diversite,  que  les  autres  villes  n'estoyent  basties  en  la  vertu  et  authorite  de  Dieu,  sinon  pour  la  police  terrienne:  mais  que  Ierusalem  estoit  son  sanctuaire,  et  qu'en  particulier  il  l'avoit  esleue  comme  le  siege  de  sa  maieste.  Et  voyla  aussi  comment  le  prophete  Esaie  en  parle  (14,  32):  Que  diront  les  messagiers  du  peuple?  C'est,  que  le  Seigneur  a  fonde  Sion.  Qui  plus  est,  combien  que  tout  le  pais  de  Iudee  fust  dedie  a  luy,  si  dit-il,  toutesfois,  qu'en  reicctant  tout  le  reste,  il  s'est  reserve  ceste  ville  de  Ierusalem  pour  y  regner:  et  c'est  ce  qui  s'ensuit  au  second  verset.  2*  Le  Seigneur  aime  les  portes  de  Sion  par  dessus  tous  les  Tabemades  de  Iacob.  A  quoy  respond  ce  qui  est  dict  au  Pseaulme  78  (v.  60),  que  Dieu  a  reiecte  Silo,  la  lignee  d'Ephraim  et  le  Tabernacle  de  Ioseph,  pour  habiter  en  Sion,  laquelle  il  a  aimee.  Notons  bien  aussi  la  cause,  laquelle  specifie  yci  le  Prophete,  pourquoy  Dieu  a  prefere  un  certain  lieu  a  tous  autres,  a  scavoir,  non  point  pour  la  dignite  du  lieu,  mais  pour  une  amour  gratuite  qu'il  luy  a  portee.  Pourtant,  si  on  demande  dont  vient  ce  privilege  a  Ierusalem  d'estre  la  saincte  Cite  de  Dieu  et  son  palais  royal,  la  response  est  facile  et  briefve,  c'est  qu'il  ha  ainsi  pleu  a  Dieu.  Ce  plaisir-la  est  'comme  la  source  [f.  77]  ou  la  racine  de  son  amour.  La  fin  ou  il  a  pretendu  estoit  a  ce  qu'il  y  eust  quelque  lieu  auquel  la  religion  eust  son  domicile,  pour  nourrir  une  ferme  unite  de  foy  entre  les  Iuifs  iusques  a  la  venue  du  Seigneur  Iesus,  et  qu'en  la  fin  l'Evangile  sortit  de  la  pour  estre  publie  par  tout