7:445  445  CUM  ANTIDOTO.  446  Excudunt  autem  Neptunii  patres  J)  in  nova  officina,  quod  Augustino  fuit  ignotum:  non  esse  ex  Deo  gratiae  receptionem:  quia  libero  voluntatis  propriae  motu  Deo  vocanti  assentiamur.  At  repugnat  scriptura,  quae  Deum  autorem  facit  bonae  voluntatis.  Aliud  est,  moveri  a  Deo  voluntatem  ut  obsequatur,  si  libeat:  aliud  autem,  formari  ut  bona  sit.  Porro  non  se  facturum  promittit  Deus,  ut  possimus  bene  velle:  sed  ut  bene  velimus:  imo  ultra  progreditur,  quum  dicit:  Faciam  ut  ambuletis.  Quod  diligenter  ab  Augustino  annotatum  est.  Atque  idem  Paulus  affirmat,  quum  docet  Deum  esse,  qui  et  velle  efficit  in  nobis,  et  perficere,  [pag.  171]  pro  suo  beneplacito.  In  eo  ballucinantur,  quod  motum  nobis  offerri  somniant,  qui  mediam  electionem  nobis  relinquat:  nihil  autem  de  efficacia  illa  cogitant,  qua  cor  hominis  renovatur,  ut  ex  pravo  fiat  rectum.  Haec  vero  efficax  spiritus  sancti  operatio  ab  Ieremia  cap.  32  (v.  40)  describitur,  quum  ita  loquitur  in  persona  Dei:  Ponam  timorem  nominis  mei  in  cordibus  eorum,  ne  declinent  a  mandatis  meis.  Denique  in  eo  falluntur,  quod  nullum  observant  inter  regenerationis  gratiam,  quae  nunc  miseriae  nostrae  subvenit,  et  primam  quae  Adae  data  fuerat,  discrimen:  quod  diligentjr  Augustinus  exponit.2)  Per  mediatorem  Christum,  inquit,  ex  malis  Deus  facit  deinceps  in  aeternum  bonos.  Istam  gratiam  non  habuit  primus  homo,  qua  nunquam  vellet  esse  malus.  Tale  quippe  erat  adiutorium,  quod  desereret  quum  vellet:  et  in  quo  permaneret,  si  vellet:  non  quo  fieret,  ut  vellet.  Sed  potentior  est  gratia  in  secundo  Adam,  qua  fit  etiam,  ut  velimus:  tantumque  velimus,  ac  tanto  ardore  diligamus,  ut  carnis  voluntatem  contraria  concupiscentem  voluntate  spiritus  vincamus.  Paulo  post:  Est  in  nobis,  per  hanc  Dei  gratiam,  in  bono  recipiendo  et  perseveranter  tenendo,  non  solum  posse  quod  volumus,  verum  etiam  velle  quod  possumus.  Quanquam  longius  est  argumentum,  quam  ut  [pag.  172]  tam  breviter  expediri  queat:  non  tamen  vereor,  ne  mea  quamlibet  brevis  admonitio  non  sufficiat  apud  sanos  lectores  refellendis  eorum  commentis.  At  scripturam  sibi  quoque  suffragari  obtendunt.  3)  Nam  quum  dicitur  :  Converte  me  Domine,  et  convertar  (Ier.  31,  18):  ex  eo  colligunt,  praeveniri  homines  Dei  gratia.  Rursum  ex  his  verbis:  Convertimini  ad  me,  et  ego  convertar  ad  vos,  liberi  arbitrii  vim  eliciunt.  Scio  alicubi  Augustinum  hac  distinctione  uti;  sed  longe  diverso  sensu.  Diserte  enim  testatur,  idque  plurimis  locis,  gratiam  Dei  sic  operari  in  nobis,  ut  ex  nolentibus  volentes  fa-  1)  Messieurs  ies  Cornuz  de  Trente.  2)  Lib.  ad  Bonif.  2,  c  8.  ~  3)  II  y  a  un  mal  pour  moy,  ce  semble,  qu'ilz  alleguent  l'Escriture  pour  eux:  mais  voyons  un  peu  leurs  argumens.