6:445  TRAICTE  DES  RELIQUES.  l'avois  quasi  delibere  de  ne  parler  point  des  Innocens,  pource  que,  quand  [page  92]  i'en  aurois  assemble  une  armee,  ilz  replicqueront  tousiours  que  cela  ne  contrevient  point  a  l'histoire,  d'autant  que  ie  nombre  n'en  est  point  deffiny.  Ie  laisse  donc  a  parler  de  la  multitude.  Seulement,  qu'on  note  qu'il  y  en  a  en  toutes  les  regions  du  monde.  Ie  demande  maintenant,  comment  c'est  qu'on  a  trouve  leurs  sepulcres  si  long  temps  apres,  veu  qu'on  ne  les  tenoit  point  pour  sainctz  quand  Herode  les  fit  mourir?  Apres,  quand  c'est  qu'on  les  a  apportez?  Ilz  ne  me  peuvent  respondre  autre  chose,  sinon  que  ce  a  este  cinq  ou  six  cens  ans  apres  leur  mort.  Ie  m'en  rapporte  aux  plus  povres  idiotz  qu'on  pourra  trouver,  si  on  doit  adiouster  foy  a  des  choses  tant  absurdes.  Apres,  encore  qu'il  s'en  fut  trouve  par  fortune  quelcun,  comment  se  pouvoit  il  faire  qu'on  en  apporta  plusieurs  corps  en  France,  en  Allemaigne,  en  Italie,  pour  les  distribuer  en  des  villes  tant  eslongnees  l'une  de*  l'autre?  Ie  laisse  donc  ceste  faulsete  pour  convaincue  du  tout.  [page  93]  Pourtant  que  sainct  Laurens  est  du  nombre  des  anciens  Martyrs,  nous  luy  donnerons  icy  son  lieu:  ie  ne  say  point  que  son  corps  soit  en  plus  d'un  lieu,  c'est  assavoir  a  Rome,  en  l'eglise  dediee  de  son  nom;  il  est  vray  qu'il  y  a  puis  apres  un  vaisseau  de  sa  chair  grillee.  Item,  deux  fioles  pleines,  l'une  de  son  sang,  et  l'autre  de  sa  gresse.  Item,  en  l'eglise  surnommee  Palisperne,  son  bras  et  de  ses  os:  et  a  sainct  Silvestre,  d'autres  reliques.  Mais  si  on  vouloit  amasser  tous  les  ossemens  qui  s'en  monstrent  seulement  en  France,  il  y  en  auroit  pour  former  deux  corps,  au  long  et  au  large.  Il  y  a  puis  apres  la  grille  sur  laquelle  il  fut  rosty;  combien  que  l'eglise  qu'on  surnomme  Palisperne  se  vante  d'en  avoir  une  piece.  Or,  pour  la  grille,  encores  la  laisseroys-ie  passer;  mais  ilz  ont  d'autres  reliques  trop  feriales,  dont  il  ne  m'est  point  licite  de  me  taire:  comme  des  charbons  qu'on  monstre  a  sainct  Eustache;  item,  une  serviette  dont  l'Ange  torcha  son  corps.  Puis  qu'ilz  ont  prins  le  loisir  de  [page  94]  songer  telles  resveries  pour  abuser  le  monde,  que  ceux  qui  verront  cest  advertissement  prennent  aussi  le  loisir  de  penser  a  eux,  pour  se  garder  de  n'estre  plus  ainsi  moquez.  D'une  mesme  forge  est  sortie  sa  tunique,  qu'on  monstre  a  Rome  mesme,  en  l'eglise  saincte  Barbe.  Pource  qu'ilz  ont  ouy  dire  que  sainct  Laurens  estoit  Diacre,  ilz  ont  pense  qu'il  devoit  avoir  les  mesmes  acoustremens  dont  leurs  Diacres  se  desguisent,  en  iouant  leur  personnage  a  la  messe.  Mais  c'estoit  bien  un  autre  office,  de  ce  temps  la,  en  l'Eglise  Chrestienne,  que  ce  n'est  a  present  a  la  Papaute:  c'estoyent  les  commis  ou  deputez  a  distribuer  les  aumosnes,  et  non  point  basteleurs  pour  iouer  des  iarces.  Ainsi  ilz  n'avoyent  que  faire  de  tuniques.