55:445  445  CAPUT  L  446  mensas  virtutis  suae  opes.  Caeterum  hoc  posterius  membrum  tam  ad  Christum  quam  ad  patrem  referri  potest:  atque  utramque  convenit.  In  Chri&-  tum  tamen  aptius  competit,  ac  si  dixisset  gratiam,  quae  ab  ipso  in  nos  diffusa  est,  specimen  esse  deitatis:  quia  humanitus  id  fieri  non  potuit  Quae  ad  vitam  et  pietatem.  Nonnulli  hic  vitam  praesentem  notari  putant,  ut  pietas  sequatur  tanquam  excellentius  donum:  ac  si  duobus  testimoniis  probare  vellet  Petrus  quam  beneficus  sit  Deus  ac  liberalis  erga  fideles,  quod  ipsos  in  lucem  edidit,  quod  illis  omnia  abunde  suppeditat  quae  ad  conservationem  terrenae  vitae  pertinent:  deinde  quod  illos  regenuit  in  spiritualem  vitam,  dum  ipsos  pietate  ornavit.  Terum  haec  distinctio  a  Petri  mente  aliena  est:  quasi  simul  ac  vitae  mentionem  fecit,  mox  pietatem  adiungit,  quae  est  veluti  eius  anima.  Tunc  enim  nos  vere  Deus  vivificat,  quum  nos  reformat  in  obedientiam  suae  iustitiae.  Ita  Petrus  hic  non  de  naturalibus  Dei  donis  loquitur,  sed  tantum  ea  praedicat,  quae  electis  suis  peculiariter  supra  communem  naturae  ordinem  confert.  Quod  nati  sumus  homines,  quod  sensu  et  intelligentia  praediti,  quod  vita  nostra  necessariis  subsidiis  iuvatur,  hoc  quidem  totum  ex  Deo  est:  quia  tamen  homines,  ut  maligni  sunt  et  ingrati,  promiscua  haec  (quae  vocant)  naturae  bona  in  Dei  beneficiis  non  reputant:  ideo  hic  vulgaris  humanae  vitae  conditio  non  attingitur,  sed  proprias  novae  et  spiritualis  vitae  dotes  eligit,  quae  originem  suam  ducunt  ex  regno  Christi.  Quod  si  in  supernaturalibus  Dei  donis  censetur  quidquid  ad  pietatem  facit  et  salutem:  discant  homines  nihil  sibi  arrogare,  sed  humiliter  petere  a  Deo  quidquid  sibi  deesse  vident:  et  quidquid  rursus  boni  habent,  acceptum  illi  referre.  Nam  Petrus  hic  totam  pietatis  summam,  omniaque  salutis  adiumenta,  divinae  Chriti  potentiae  vindicans,  communi  hominum  naturae  adimit:  ut  ne  minimam  quidem  ullius  virtutis  guttam  nobis  relinquat.  Ter  cognitionem  eius.  Nunc  modum  describit  quo  nos  tantorum  bonorum  Deus  facit  compotes:  nempe  quum  se  nobis  patefacit  per  evangelium.  Dei  enim  cognitio  principium  est  vitae,  et  primus  in  pietatem  ingressus.  Denique  nullus  spiritualium  donorum  usus  in  salutem  esse  potest,  donec  evangelii  doctrina  illuminati  Deum  cognoscimus.  Caeterum  huius  cognitionis  autorem  Deum  facit:  quia  nunquam  ad  eum  accedimus,  nisi  vocati:  ergo  non  ingenii  nostri  perspicacia,  sed  Dei  vocatio  effectrix  fidei  causa  est.  Loquitur  autem  non  de  externa  tantum  vocatione,  quae  per  se  est  inefficax:  sed  de  interiori,  quae  arcana  spiritus  virtute  constat:  quum  Deus  non  tantum  hominis  voce  in  auribus  personat,  sed  intus  per  spiritum  suum  corda  ad  se  trahit.