54:445  445  SUR  L'EPITRE  A  TITE.  446  gre,  mais  qu'ils  doyvent  estre  armez  pour  resister  a  tous  contredisans:  que  s'il  y  en  a  qui  s'elevent  contre  la  parole  de  Dieu,  que  celuy  qui  est  ordonne  Pasteur  soit  puissant  (dit-il)  pour  les  redarguer.  Nous  voyons  donc  maintenant  ce  qui  est  ici  contenu.  Et  ce  n'est  point  sans  cause  que  S.  Paul  requiert  telle  doctrine  en  ceux  que  Dieu  constitue  en  sa  maison.  Car  si  un  homme  ordonne  un  procureur  en  sa  famille,  il  luy  baillera  quant  et  quant  sa  charge:  Or  quelle  est  la  charge  qui  nous  est  commise  de  Dieu,  sinon  de  distribuer  a  son  peuple  la  pasture  de  vie,  c'est  a  dire  sa  Parole?  Si  donc  nous  n'avons  cela,  n'est-ce  point  un  titre  volage  d'estre  nommez  Pasteurs?  Si  quelqu'un  se  disoit  berger  d'un  troupeau  de  moutons,  ou  de  boeufs,  et  qu'il  laissast  les  povres  bestes  mourir  de  faim,  ne  meriteroit-il  point  d'estre  lapide?  Or  nous  sommes  bergers,  non  point  de  bestes  brutes,  mais  des  enfans  de  Dieu:  et  puis  il  est  question  de  nourrir,  non  pas  les  corps  de  viande  corruptible,  mais  les  ames  du  pain  cele8tiel.  Quand  donc  nous  n'aurions  de  quoy  pour  fournir  a  nostre  office,  n'est-ce  pas  se  mocquer  de  Dieu  par  trop,  en  usurpant  ce  titre  tant  honorable,  et  que  la  chose  ne  responde  point?  Ainsi  donc  notons  que  ce  sont  choses  inseparables  d'estre  Pasteurs,  Surveillans,  ou  Ministres,  Prestres  et  gouverneurs  d'Eglise,  et  d'avoir  doctrine  pour  edifier  le  peuple  de  Dieu.  Et  en  cela  voit-on  quelle  Eglise  il  y  a  en  la  Papaute.  Ils  se  glorifieront  a  pleine  bouche  de  leur  principaute  sacree:  et  c'est  leur  argument  principal  qu'ils  prenent  pour  reietter  mesmes  toute  la  parole  de  Dieu,  afin  qu'elle  n'ait  point  d'authorite.  Quand  nous  alleguons  l'Escriture  saincte,  et  que  le  Pape  et  tout  son  puant  clerge  se  trouvent  convaincus,  ils  n'ont  autre  refuge  sinon  de  dire,  Et  comment?  Or  il  est  question  de  monstrer  si  ainsi  est  ou  non.  Ils  disent  qu'ils  representent  l'Eglise,  d'autant  qu'ils  en  sont  Prelats.  Voire,  mais  a  qui  est-ce  qu'il  appartiendra  de  determiner  s'ils  sont  Prelats  ou  non?  Il  faut  que  Dieu  en  parle,  et  qu'il  en  prononce.  Car  il  est  luy  seul  iuge  competent.  Or  il  monstre  en  ce  passage  qu'il  n'advoue  pour  Prelats  ni  Evesques,  sinon  ceux  qui  sont  suffisans  et  propres  pour  enseigner,  et  qui  exercent  un  tel  office.  Nous  voyons  donc  qu'il  y  a  une  synagogue  diabolique  que  Satan  a  forgee  en  toute  la  Papaute,  veu  que  ce  sont  des  Evesques  qui  ne  scavent  et  ne  peuvent  rien  sinon  d'estre  la  chiens  muets  :  moyennant  qu'ils  s'acquittent  bien  de  leurs  agios,  et  de  tous  leurs  menus  fatras,  qu'ils  facent  bonne  mine,  et  qu'ils  soyent  comme  des  idoles,  ce  leur  est  assez.  Car  la  dignite  episcopale  n'est  point  pour  prescher  la  parole  de  Dieu  :  et  encores  que  cela  se  face,  ce  sera  avec  grand'  pompe  et  ceremonie,  qu'on  dira  que  c'est  un  extraordinaire  :  il  semble  qu'un  homme  soit  tombe  des  nues  quand