52:445  445  IN  EPISTOLAM  AD  PHILEMONEM  446  10.  Bogo  pro  filio.  Quoniam  minus  ponderis  habere  solent  preces  quibus  nulla  iustae  commendationis  causa  subest,  ostendit  Paulus  se  necessario  officio  adduci  ut  pro  Onesimo  intercedat.  Hic  vero  operae  pretium  est  expendere  quantum  se  demittat,  dum  filii  nomen  et  servo,  et  fugitivo,  et  furi  defert.  Quod  autem  eum  a  se  genitum  praedicat,  ministerio  id  factum  est,  non  virtute.  Neque  enim  humanum  est  opus,  hominis  animam  refingere  et  reformare  ad  Dei  imaginem.  Atqui  de  hac  spirituali  generatione  nunc  agitur.  Quia  tamen  fide  regeneretur  anima,  et  fides  est  ex  auditu,  ideo  doctrinae  administer  patris  vices  gerit.  Deinde  quum  sermo  Dei  ab  homine  praedicatus  semen  sit  vitae  aeternae:  non  mirum  est  eum  vocari  patrem,  ex  cuius  ore  semen  illud  concipimus.  Quamquam  interea  tenendum  est,  sic  efficax  esse  in  anima  regenerenda  hominis  ministerium,  ut  proprie  Deus  ipse  spiritus  sui  virtute  regeneret.  Quare  istae  loquutiones  Deum  cum  hominibus  in  certamen  minime  committunt:  sed  tantum  ostendunt  quid  per  homines  Deus  agat.  Quum  dicit,  se  in  v  i  n  c  u  l  i  s  genuisse,  circumstantia  haec  commendationi  addit  pondus.  12.  Illum,  hoc  est  viscera  mea.  Nihil  ad  molliendam  Philemonis  iracundiam  efficacius  dici  potuit.  Nam  si  in  servum  suum  fuisset  implacabilis,  in  Pauli  viscera  hoc  modo  saeviebat.  Mira  vero  Pauli  bonitas,  quod  vile  mancipium,  deinde  furem  et  erronem,  recipere  quodammodo  in  sua  viscera  non  dubitavit,  ut  ab  iracundia  domini  sui  protegeret.  Et  certe  si  suo  pretio  a  nobis  aestimaretur  hominis  ad  Deum  conversio,  eodem  modo  nos  quoque  amplecteremur  quos  sincere  et  absque  fuco  resipipuisse  constaret.  13.  Quem  volebam  apud  me.  Aliud  argumentum  mitigando  Philemoni,  quod  servum  illi  remittat  Paulus,  cuius  ministerio  maxime  alioqui  indigebat.  Fuisset  enim  inhumanum,  tale  Pauli  studium  reiicere.  Et  subindicat  non  ingratum  sibi  fore  munus  si  remittatur:  ut  id  fiat  potius  quam  domi  aspere  tractetur.  Quamquam  addit  etiam  alias  circumstantias,  quod  domini  vices  in  eiusmodi  officio  supplebit  Onesimus:  deinde  quod  ipse  modestiae  causa  nihil  de  iure  Philemonis  detrahere  voluerit:  tertio  quod  plus  laudis  habiturus  sit  Philemon,  si  redditum  suae  potestan  servum  ultro  et  liberaliter  remittat.  Ex  hoc  autem  postremo  colligimus,  quibuscunque  possumus  officiis  iuvandos  esse  Christi  martyres,  dum  pro  evangelii  testimonio  laborant.  Nam  si  exilia,  carceres,  flagella,  contumelias,  bonorum  spoliationes  reputamus  esse  evangelii,  quemadmodum  hic  vocat  Paulus:  quisquis  eorum  socius  recusat  esse  particeps,  se  a  Christo  ipso  separat.  Commune  certe  omnibus  est  evangelii  patrocinium.  Itaque  qui  eius  causa  persequutionem  sustinet,  non  iam  ut  privatus  quispiam  habendus  est,  sed  qui  publicas