5:445  DE  LA  CENE.  s'entretiennent  tousiours;  1)  ou  bien  de  se  deporter  pour  un  temps,  a  fin  d'y  retourner  incontinent  apres.  Or,  la  vraye  penitence  est  ferme  et  constante:  pourtant,  elle  nous  faict,  non  pas  pour  un  iour  ou  une  sepmaine,  mais  sans  fin  et  sans  cesse,  batailler  contre  le  mal  qui  est  en  nous.  Quand  nous"  sentirons  doncq  en  nous  une  ferme  desplaisance  et  haine  de  tous  vices,  procedante  de  la  crainte  de  Dieu,  et  un  desir  de  bien  vivre  a  fin  de  complaire  a  nostre  Seigneur,  nous  sommes  capables  de  participer  a  la  Cene  non  obstant  les  reliques  d'infirmite  que  nous  portons  en  nostre  chair.  Mesmes  si  nous  n'estions  infirmes  subiectz  a  deffiance,  et  de  vie  imparfaicte,  le  Sacrement  ne  nous  serviroit  de  rien,  et  eust  este  chose  superflue  de  l'instituer.  Puis  doncq  que  [pag.  34]  c'est  un  remede  que  Dieu  nous  a  donne  pour  subvenir  a  nostre  foiblesse,  fortifier  nostre  Foy,  augmenter  nostre  charite,  nous  advancer  en  toute  sainctete  de  vic,  d'autant  plus  en  debvons-nouti  user,  que  nous  sentons  que  la  maladie  nous  presse.  Tant  s'en  fault  que  cela  nous  en  doive  empescher.  Car  si  nous  alleguons,  pour  nous  exempter  de  venir  a  la  Cene,  que  nous  sommes  encores  debiles  en  Foy  ou  en  integrite  de  vie,  c'est  comme  si  un  homme  s'excusoit  pour  ne  point  prendre  de  medicine,  a  cause  qu'il  seroit  malade.  Voy-la  doncq  comme  la  foiblesse  de  Foy  que  nous  sentons  en  nostre  cueur,  et  les  imperfections  qui  sont  en  nostre  vie,  nous  doivent  admonester  de  venir  a  la  Cene,  comme  a  un  remede  singulier  pour  les  corriger.  Seulement,  que  nous  n'y  venions  point  vuides  de  Foy  et  repentance.  Dont  la  premiere  est  cachee  dedans  le  cueur;  et  pourtant,  il  fault  que  nostre  conscience  nous  en  rende  tesmoignage  devant  Dieu.  La  seconde  se  manifeste  par  les  [pag.  35]  oeuvres,  et  pourtant,  il  fault  qu'elle  apparoisse  aucunement  en  nostre  vie.  Quant  est  du  temps  d'en  user,  on  ne  le  peut  pas  limiter  a  tous  pour  certain.  Car  il  y  a  aucunesfois  des  empeschemens  particuliers  qui  excusent  l'homme  s'il  s'en  abstient.  Et  d'avantage,  nous  n'avons  pas  de  commandement  expres  de  contraindre  tous  Chrestiens  a  en  user  chascun  iour  qu'elle  leur  est  presentee.  Toutesfoys,  si  nous  regardons  bien  la  fin  a  laquelle  le  Seigneur  nous  meine,  nous  congnoistrons  que  l'usage  en  doibt  estre  plus  frequent  que  beaucoup  ne  l'ont.  Car  d'autant  que  l'imbecilite  nous  presse,  nous  avons  mestier  de  nous  exerciter  tant  plus  souvent  en  ce  qui  nous  peut  et  1)  combien  qu'ilz  s'entretiennent  tousiours,  c'est  ainsi  qu'on  lit  dans  toutes  les  editions  a  partir  de  1542.  Celle  de  1541  porte,  combien  qu'ilz  si  entretiennent  tousiours,  ce  qui  nous  fait  penser  que  V  auteur  aura  ecrit:  combien  qu'ilz  s'y  entretiennent  tousiours.  La  traduction  latine  a  mis:  licet  ea  foveant.