25:445  445  COMMENTARIUS  IN  IOSUE  CAP.  III.  446  ut  murorum  custodia  securi  sint  cives.  Qui  igitur  nec  contemptu,  nec  protervia,  nec  fraude,  nec  tumultuose,  sed  necessitate  coactus  muros  transscenderit,  perperam  ideo  trahetur  in  capitis  discrimen.  Si  quis  excipiat,  mali  esse  exempli  rem,  id  quidem  fateor:  sed  ubi  vitam  eripere  ab  iniusta  violentia  aut  latrocinio  propositum  est,  modo  absque  offensione  cuiusquam  aut  noxa  id  fiat,  necessitas  excusat.  Sic  Paulo  quod  per  sportam  demissus  est  quum  Damasci  periclitaretur,  vitio  minime  vertendum  fuit  (Act.  9,  25):  quia  vim  et  crndelitatem  sceleratorum  absque  tumultu  fugere,  divinitus  permissum  est.  24.  Nunciarunt  Iosue  dicendo.  Docet  hic  locus,  Iosue  in  eligendis  speculatoribus  non  fuisse  deceptum,  quia  ex  sermone  cordatos  et  rara  integritate  praeditos  fuisse  apparet.  Alii  forte  nondum  a  concepto  semel  pavore  recreati  tota  castra  turbassent.  Hi  vero  dum  admirabilem  Dei  gratiam  tam  in  felici  suae  expeditionis  eventu,  quam  in  superato  periculo  reputant,  Iosue  et  populum  ad  interpide  pergendum  hortantur.  Etsi  autem  sola  promissio  ad  terram  occupandam  sufficere  debuerat:  eo  tamen  usque  indulget  Deus  suorum  infirmitati,  ut  tollendae  dubitationis  causa  quod  pollicitus  est,  experimentis  confirmet.  Consternatio  itaque  gentium  probavit  non  frustra  loquutum  esse  Deum,  quum  iam  illas  fugare  inciperet,  et  quasi  immissis  crabronibus  abigere.  Ratiocinantur  enim  exemplo  Rahab,  terram  sibi  esse  datam,  quia  incolae  metu  fere  evanuerint.  Ideo  illativam  particulam  posui,  quum  tamen  ad  verbum  legatur,  atque  etiam.  VeFum  satis  liquet  confirmari  quod  dixerant  hoc  modo.  Et  certe  dissoluti  sunt  omnium  animi,  ac  si  Dei  manu  se  profligari  sentirent.  CAPUT  III.  1.  Surrexit  autem  Iehosua  summo  mane,  et  profecti  sunt  e  Sittim  f  veneruntque  usque  ad  Iordanem  ipse  et  omnes  filii  Israel,  pernoctaruntque  illic  antequam  transirent.  2.  Et  fuit  a  fine  trium  dierum,  ut  praefecti  transirent  per  medium  castrorum,  3.  Praeciperentque  populo  dicendo:  Quum  videritis  arcam  foederis  Iehovae  Dei  vestri,  et  sacerdotes  Levitas  portantes  eam,  proficiscemini  e  loco  vestro,  ibitisque  post  Ulam.  4.  Verumtamen  interstitium  erit  inter  vos  et  ipsam  fere  duum  millium  cubitorum  in  mensura,  ne  appropinquetis  ei,  ut  cognoscatis  viam  per  quam  ambulaturi  estis.  Non  enim  transistis  per  viam  istam  heri  vel  nudustertius.  5.  Dixerat  autem  Iosue  ad  populum:  sanctificate1)  vos.  Cras  enim  faciet  Iehova  1)  In  margine:  aut,  praeparate.