9:444  digiosis  commentis  Germaniam  turbarunt.  Postea  emerserunt  aliae  etiam  sectae.  Esto.  Nam  et  promulgato  evangelio  non  minor  errorum  et  sectarum  turba  ebulliit.  Haec  est  Gabrielis  pietas,  dedecore  nos  afficere,  quod  in  Christum  et  apostolos  redundet.  Similis  est  causa  et  prorsus  communis.  Quis  igitur  non  videt,  si  errorum,  qui  hinc  inde  confertim  emerserunt,  crimen  sustineant  Lutherus,  Zvinglius,  et  alii,  idem  subeundum  esse  iudicium  Christo  et  apostolis?  Nempe  susque  deque  est  Cynicis  istis  ac  Epicureis  *)  nebulonibus,  quibusvis  blasphemiis  [pag.  36]  exponi  Christi  nomen,  modo  nobis  maledicant.  Prompta  vero  et  expedita  nobis  defensio  est,  etiam  si  societas,  quae  nobis  cum  Christo  est,  causam  nostram  non  assereret.  Breviter  enim  Gabrieli  respondeo:  apud  aequos  et  non  sinistros  interpretes,  tanta  errorum  quae  surrexit  colluvie,  adeo  non  labefactari  doctrinae  nostrae  fidem,  ut  magis  confirmetur:  siquidem  eorum  quae  a  Christo  praedicta  sunt  effectum  oculis  cernere,  non  modo  pios  animos  offensione  levat,  sed  erigit,  tranquillat,  fulcit.  Quid  autem  Christus?  Non  posse  a  patrefamilias  eiusque  servis  seminari  purum  triticum,  et  agrum  fideliter  conseri,  quin  diabolus  statim  noctu  surgat  ad  seminanda  zizania  (Matth.  13,  29).  Si  hoc  nostra  aetate  impletum  est,  an  accusabitur  fidelis  opera  servorum  Christi,  quia  eius  fructum  corrumpere  tentabit  Satan?  Quod  si  iniuste  accusentur,  annon  eorum  innocentiae  patrocinium  suscipiet  ipse  paterfamilias?  Ultra  progredior.  Nunquam  in  hominum  corpora  et  animas  maiori  licentia  grassatus  est  Satan  quam  Christo  in  carne  manifestato.  Non  modo  plena  fuit  Iudaea  daemoniacis,  sed  Maria  a  septem  daemonibus  obsessa  fuit,  alius  autem  a  legione.  Latra*  tum  suum  nunc  adversus  Christum  exserat  Praecentor,  ac  dicat  eius  adventu  apertos  et  perruptos  fuisse  inferos,  ut  diaboli  turmatim  scaturirent:  atque  ita  quod  Deus  pro  admirabili  [pag.  37]  sua  sapientia  illustrandae  unigeniti  filii  sui  gloriae  statuit,  in  probrum  convertat.  Sabbathariosne,  Adamitas,  Davidicos,  Anabaptistas,2)  et  eiusmodi  monstra  genuerunt  nostri  homines,  cum  quibus  nihil  magis  affine  habent,  quam  lux  cum  tenebris?  Cui  sano  persuadebis,  bone  rhetor,  haereseon  autores  esse,  qui  eas  soli  singulari  Dei  gratia  profligarunt,  ei  quidem  vobis  comessantibus,  ludentibus,  scortantibus,  stertentibus?  Eadem  est  ingenuitas  in  reliquo  contextu.  Eruperunt  phrenetici  quidam  apud  Helvetios  ante  annos  triginta  sex  in  pago  cui  Abbatis-  1)  ces  canailles  et  pourceaux  Epicuriens.  2)  les  Anabaptistes  et  autres  racailles,  suppressis  caeteris  nominibus.  Be  Sabbathariis  v.  Lutheri  Opp.  XX.  2272  Walch  XXXI.  416.  Eri.  Davidici  sunt  Davidis  loris  asseclae.  De  Adamitis  adisis  scriptores  de  rebus  bohemicis.