7:444  iam  in  verbo  fundata  erat,  baptismo  obsignatur.  At  obtrudunt  definitionis  architecti  illam  sententiam:  Nisi  quis  renatus  fuerit  ex  aqua  et  spiritu  (Ioann.  3,  5).  Primum,  si  aqua  baptismum  illis  significat:  quis  eis  concedet,  simul  etiam  significare  baptismi  percipiendi  votum?  At  si  dicam,  alium  esse  loci  sensum,  ac  quosdam  ex  veteribus  sequutus,  aquae  nomen  pro  mortificatione  accipiam:  non  erunt,  opinor,  tam  infesti,  ut  me  propterea  haereticum  iudicent.  Ego  tamen  epitheti  vice  additum  interpretor,  ut  vim  naturamque  [pag.  169]  spiritus1)  exprimeret.  Neque  enim  efficient,  ut  magis  hic  aqua  sumatur  pro  baptismo,  quam  alibi  ignis  pro  quovis  sacramento,  quum  dicitur:  In  spiritu  sancto  et  igni  (Matth.  "6,  l  l  )  .  En  cur  sibi  summum  ius  interpretandae  scripturae  usurpent.2)  Sexto  capite  asserunt,  gratia  Dei  nos  praeparari  ad  percipiendam  iustitiam:  sed  huic  gratiae  partes  assignant  excitandi  et  adiuvandi:  ut  ipsi  libere  cooperemur.  Nempe  putidas  naenias  hic  audimus,  quas  in  scholis  deblaterare  sophistae  solent.  Ego  autem  quaero,  sitne  idem  excitare  voluntatem,  et  adiuvare  per  se  infirmam:  an  cor  novum  formare  in  homine,  ut  velit.  Respondeant  ergo,  an  cor  novum  creare,  ex  corde  lapideo  facere  cor  carneum  (quorum  utrumque  scriptura  testatur  Deum  in  nobis  facere)  (Ezech,  l  l  ,  19  et  36,  26;  Psal.  51,  12)  nihil  aliud  sit,  quam  supplere  quod  deest  infirmae  voluntati?  Quod  si  minus  eos  movent  illa  testimonia:  respondeant,  an  qui  efficit  in  nobis  velle,  simpliciter  voluntatem  adiuvet  (Phil.  2,  13)?  Paulus  totum  Deo  vendicat:  isti  nihil  ei,  praeter  adminiculum,  acceptum  ferunt.  Sed  in  quo  hominem  Deo  socium  adiungunt?  Quia  gratiam  Dei,  quam  repudiare  posset,  libere  recipit,  et  spiritus  sancti  illuminationem.  Quantum  ex  Dei  virtute  detrahunt,  quae  a  propheta  describitur?  Dabo,  inquit,  legem  [pag.  170]  meam  in  corda  vestra,  faciamque,  ut  in  praeceptis  meis  ambuletis  (Ier.  32,  39;  Ezech.  36,  27;  Hebr.  8,  10  et  li),  16).  Sed  hoc  est  scilicet,  quod  alicubi  ab  Augustino  traditum  est:  Laborant,  inquit,  homines,  ut  inveniant  in  nostra  voluntate,  quid  boni  sit  nostrum,  quod  nobis  non  sit  ex  Deo:  et  quid  inveniri  possit,  ignoro.  3)  At  vero,  ut  alibi4)  tradit:  Si  relinqueretur  homini  sua  voluntas,  ut  in  adiutorio  Dei  maneret  si  vellet,  nec  Deus  etiam  efficeret  ipsum  velle:  inter  tot  ac  tantas  tentationes  infirmitate  sua  voluntas  succumberet.  Ideo  subventum  est  infirmitati  voluntatis  humanae,  ut  divina  gratia  indeclinabiliter,  et  inseparabiliter  ageretur:  efc  ideo,  quamvis  infirma,  non  deficeret.  1)  Add.  qui  est  de  nettoyer.  2)  Hoc  ultimum  comma  non  legitur  in  exemplari  gallico.  3)  Lib.  de  peccatoium  meritis  et  remissione  2.  4)  De  correptione  et  gratia.