6:444  Mais  ie  m'en  deporte,  d'autant  que  c'est  folie  a  moi  de  redarguer  des  moqueries  tant  evidentes.  Seulement  ie  dis  qu'il  faut  que  ceux  de  Oolongne  et  ceux  de  Milan  se  debatent1)  a.  qui  les  aura;  car  tous  deux  pretendent  ensemble  de  les  avoir,  ce  qui  ne  se  peut  faire.  Quand  leur  proces  sera  vuyde,  lors  nous  adviserons  qu'il  sera  de  faire.  Entre  les  Martyrs  anciens,  sainct  Denis  est  des  plus  celebrez;  car  on  le  tient  pour  un  des  disciples  des  Apostres,  et  le  premier  evangeliste  de  France.  A  cause  de  ceste  dignite,  on  a  de  ses  reliques  en  plusieurs  lieux.  Toutesfoys,  [page  90]  le  corps  2)  est  demeure  entier  seulement  en  deux  lieux  :  a  S.  Denis  en  France,  et  a  Regesbourg  en  Allemaigne.  Pource  que  les  Francois  maintenoyent  de  l'avoir,  ceux  de  Regesbourg  en  esmeurent  le  proces  a  Rome,  il  y  "a  environ  cent  ans,  et  le  corps  leur  fut  adiuge  par  sentence  diffinitive,  present  l'ambassadeur  de  France,  dont  ilz  ont  belle  bulle.  Qui  diroit,  a  S.  Denis  pres  Paris,  que  le  corps  n'est  point  la,  il  seroit  lapide.  Quiconques  voudra  contredire  qu'il  ne  soit  a  Regesbourg,  sera  tenu  pour  heretique,  d'autant  qu'il  sera  rebelle  au  S.  siege  apostolique.  Ainsi,  le  plus  expedient  sera  de  ne  s'entremettre  point  en  leur  querelle.  Qu'ilz  se  crevent  les  yeux  les  uns  aux  autres,  s'ilz  veulent;  et  en  ce  faisant,  qu'ilz  ne  profitent  de  rien,  sinon  pour  descouvrir  que  tout  leur  cas  gist  en  mensonge.  De  sainct  Estienne,  ilz  ont  tellement  party  le  corps,  qu'il  est  entier  a  Rome  en  son  eglise,  le  chief  en  Arle,  et  des  os  en  plus  do  deux  cens  lieux.  Mais  pour  monstrer  qu'ilz  sont  des  adherans  de  ceux  qui  l'ont  meurtry,  ilz  ont  canonise  [page  91]  les  pierres  dont  il  a  este  lapide.  On  demandera  ou  c'est  qu'on  les  a  peu  trouver,  et  comment  ilz  les  ont  eues,  de  quelles  mains,  et  par  quel  moyen.  Ie  respons  briefvement  que  ceste  demande  est  folle;  car  on  sait  bien  qu'on  treuve  par  tout  des  caillotix,  tellement  que  la  voiture  n'en  couste  guere.  A  Flourence,  en  Arle  aux  Augustins,  au  Vigan  en  Languedoc,  on  en  monstre.  Celuy  qui  voudra  fermer  les  yeux  et  l'entendement  croira  que  ce  sont  les  propres  pierres  dont  sainct  Estienne  fust  lapide;  celuy  qui  voudra  un  peu  considerer  s'en  moquera.  Et  de  faict,  les  cannes  de  Poytiers  en  ont  bien  trouve  un  depuis  quatorze  ans,  auquel  ilz  ont  assigne  l'office  de  delivrer  les  femmes,  lesquelles  sont  en  travail  d'enfant.  Les  Iacopins,  ausquelz  on  avoit  desrobe  une  coste  de  saincte  Marguerite,  servant  a  cest  usage,  leur  en  ont  faict  grand  noyse,  crians  contre  leur  abus;  mais  en  la  fin,  ilz  ont  gaigne  en  tenant  bon.  1)  combatent  1563  suiv.  2)  Toutesfoys,  comme  l'on  dit,  le  corps  1563  suiv.