55:444  fidei  causa  vocatur  iustitia  Dei,  quod  nemo  ad  eam  sibi  conferendam  est  idoneus.  Ita  iustitia  intelligi  debet,  non  quae  inclusa  in  Deo  maneat,  sed  quae  in  homines  se  diffundit:  sicuti  Rom.  3,  22,  Praeterea  hano  iustitiam  communiter  Deo  et  Christo  attribuit,  quia  ex  Deo  manat:  per  Christum  autem  ad  nos  usque  defluit.  2.  Gratia  vobis  et  pax.  Gratiae  nomine  paternum  erga  nos  Dei  favorem  notari  certum  est.  Semel  quidem  reconciliati  sumus  Deo  per  Christi  mortem,  et  fide  in  huius  tanti  boni  possessionem  venimus:  sed  quia  pro  fidei  nostrae  modo  percipimus  Dei  gratiam,  dicitur  augeri  quoad  sensum  nostrum,  dum  nobis  familiarius  innotescit.  Additur  pax,  quia  sicuti  hoc  nostrae  beatitudinis  initium  est  ut  nos  Deus  in  gratiam  recipiat:  ita  quo  magis  suum  in  cordibus  nostris  amorem  confirmat,  eo  locupletius  sua  nos  benedictione  prosequitur,  ut  nobis  bene  sit  in  omnibus  ac  prospere.  Per  agnitionem.  Ad  verbum  est,  In  agnitione:  sed  particula  ev,  valet  Per  vel  Cum.  Tametsi  uterque  sensus  contextui  quadrare  potest:  ego  tamen  priorem  libentius  amplector.  Nam  quo  quisque  magis  in  Dei  cognitione  proficit,  in  eo  perinde  una  cum  divini  amoris  sensu  augescit  omne  bonorum  genus.  Ergo  quisquis  ad  plenam  beatae  vitae  fruitionem  adspirat,  hanc  quae  praescribitur  a  Petro  viam  tenere  meminerit.  Dei  et  Christi  agnitionem  simul  connectit  :  quia  rite  non  potest,  nisi  in  Christo,  Deus  cognosci:  iuxta  illud:  Nemo  patrem  novit,  nisi  filius:  et  cui  voluerit  filius  revelare  (Matth,  l  l  ,  27).  3.  Quemadmodum  divina.  Immensam  Dei  bonitatem,  quam  experti  iam  erant,  commemorat:  quo  plus  in  posterum  fiduciae  concipiant.  Hoc  enim  Deo  perpetuum  est,  ut  beneficentiae  suae  cursum  ad  finem  usque  prosequatur:  nisi  dum  ipsi  nostra  infidelitate  eum  abrumpimus.  Nam  et  illi  facultas  est  inexhausta,  et  par  benefaciendi  voluntas.  Proinde  merito  apostolus  ex  superioribus  Dei  beneficiis,  fideles  ad  bene  sperandum  animat.  Eodem  pertinet  verborum  amplificatio.  Poterat  enim  simplicius  loqui,  Quemadmodum  omnia  nobis  largitus  est:  sed  divinae  potentiae  nomen  exprimendo,  altius  consurgit:  quod  scilicet  copiose  explicuerit  Deus  im-