52:444  vatum  modo  gaudium  profert  apostolus,  sed  complures  fuisse  laetatos,  quod  humaniter  et  benigne  piis  hominibus  opitulatus  esset  Philemon.  Mefocillare  viscera  accipitur  apud  Paulum  pro  affere  levationem  a  molestiis:  vel  miseris  ita  succurrere,  ut  pacatis  animis  et  omni  molestia  ac  tristitia  vacuis  quiescant.  Nam  viscera  affectus  significant,  avanotuaic,  vero  tantundem  valet  ac  tranquillitas:  ideo  longe  falluntur  qui  ad  ventrem  et  alimenta  hoc  torquent.  8.  Quapropter  multam  in  Christo  fiduciam  habens  imperandi  tibi  quod  decet:  9.  propter  caritatem  magis  rogo,  quum  talis  sim,  nempe  Paulus  senex  :  nunc  vero  etiam  vinctus  Iesu  Christi.  10.  Rogo  autem  te  pro  filio  meo,  quem  genui  in  vinculis  meis,  Onesimo:  l  l  .  qui  aliquando  tibi  inutilis  fuit:  nunc  autem  et  mihi  et  tibi  utilis.  12.  Quem  remisi:  tu  verum  illum,  hoc  est  mea  viscera,  suscipe.  13.  Quem  ego  volebam  apud  meipsum  retinere,  ut  pro  te  mihi  ministraret.  14.  Sed  absque  tua  sententia  nihil  volui  facere,  ut  non  quasi  secundum  necessitatem  esset  bonum  tuum1  sed  voluntarium.  8.  Multam  in  Christo  fiduciam.  Hoc  est,  quum  imperare  tibi  pro  iure  meo  possim,  facit  caritas  tua  ut  malim  rogare.  Iubendi  vero  potestatem  duplici  nomine  sibi  vendicat:  quia  et  senex  sit  et  pro  C  h  r  i  s  t  o  vinctus.  Ideo  se  propter  Philemonis  caritatem  magis  rogare  dicit,  quia  iniungimus  pro  imperio  quae  necessitate  extorquere  volumus,  etiam  ab  invitis:  apud  eos  autem  qui  ultro  parent,  iussu  opus  non  est.  Et  quia  libentius  qui  ultro  parati  sunt  ad  officium  placide  sibi  ostendi  audiunt  quid  factu  opus  sit,  quam  imperio  interposito:  non  abs  re  Paulus  apud  hominem  morigerum  preces  adhibet,  suoque  exemplo  docet,  dandam  esse  operam  pastoribus  ut  discipulos  blande  alliciant  potius  quam  trahant.  Et  certe1)  dum  ad  preces  descendens,  iure  suo  cedit,  hoc  ad  impetrandum  multo  plus  valet  quam  si  iuberet.  Porro  nihil  sibi  arrogat  nisi  in  Christo  :  hoc  est  propter  impositam  sibi  personam.  Neque  enim  quos  Christus  apostolos  constituit,  autoritate  vult  carere.  Sed  quum  addit,  TO  avijxov,  significat  non  quidvis  licere  doctoribus,  sed  his  finibus  contineri  ipsorum  potestatem,  ne  quid  nisi  quod  decet,  atque  alioqui  cuiusque  officio  consentaneum  est,  praecipiant.  Hinc  (ut  nuper  dixi)  admonentur  pastores,  qua  fieri  potest  summa  comitate  mulcendos  esse  animos,  quoties  hac  ratione  plus  proficitur  :  sed  ita  ut  sciant  qui  tam  blande  tractantur,  minus  a  se  exigi  quam  debeant.  Nomen  s  e  n  i  s  non  aetatem,  sed  officium  hic  significat.  Quod  autem  se  non  apostolum  nominat,  ideo  fit  quia  cum  collega  in  verbi  ministerio  illi  negotium  est,  cum  quo  familiariter  loquitur.  *)  Porro.