5:444  nullement  d'en  approcher,  si  nous  portons  quelque  hayne  ou  rancune  a  homme  vivant,  et  principallement  a  aucun  Chrestien  qui  soit  en  l'unite  de  l'Esglise.  Nous  devons  aussi,  pour  bien  accomplir  Tordre  du  Seigneur,  apporter  une  autre  affection:  c'est  de  confesser  de  bouche  et  testifier  combien  nous  sommes  redevables  a  nostre  Sauveur,  et  luy  rendre  action  de  grace,  non  seulement  a  fin  que  son  nom  soit  glorifie  en  nous,  mais  aussi  a  fin  d'edifier  les  autres,  et  les  instruire  par  nostre  exemple  de  ce  qu'ilz  ont  a  faire.  Mais  pource  qu'il  ne  se  trouvera  homme  sus  la  terre  qui  ayt  si  bien  profite  en  foy  et  en  sainctete  de  vie,  qu'il  [pag.  31]  n'ayt  encore  beaucoup  d'infirmite  tant  en  l'une  qu'en  l'autre,  il  y  auroit  dangier  que  plusieurs  bonnes  consciences  ne  feussent  troublees  de  ce  qui  a  este  dict,  si  on  ne  venoit  au  devant,  en  moderant  les  preceptes  que  nous  avons  mis,  tant  de  Foy  comme  de  repentance.  Pour  tant,  c'est  une  perilleuse  maniere  d'enseigner  que  tiennent  aucuns,  de  requerir  une  parfaicte  fiance  de  cueur  et  parfaicte  penitence,  et  exclurre  tous  ceux  qui  ne  l'ont  point.  Car  en  ce  faisant,  tous  sont  exclus,  sans  en  excepter  un.  Que  ainsi  soit,  qui  sera  celuy  qui  se  puisse  vanter  de  n'estre  entache  de  quelque  deffiance?  de  n'estre  subiect  a  quelque  vice  ou  infirmite?  Certes  les  enfans  de  Dieu  ont  telle  foy,  qu'ilz  ont  tousiours  mestier  de  prier  que  le  Seigneur  subvienne  a  leur  incredulite.  Car  c'est  une  maladie  tant  enracinee  en  nostre  nature,  que  iamais  nous  n'en  sommes  plainement  guaris,  que  nous  ne  soyons  delivrez  de  ceste  prison  de  nostre  corps.  D'advantage,  ilz  cheminent  tellement  [pag.  32]  en  purete  de  vie,  qu'ilz  ont  mestier  iournellement  de  prier,  tant  pour  la  remission  des  pechez  que  pour  demander  grace  de  myeux  proffiter.  Combien  que  les  uns  soient  plus  iroparfaictz,  les  autres  moins:  toutesfoys,  il  n'y  en  a  nul  qui  ne  deffaille  en  beaucoup  d'endroictz.  Ainsi  la  Cene,  non  seulement  nous  seroit  inutile  a  tous,  mais  aussi  pernitieuse,  s'il  nous  y  faloit  apporter  une  integrite  de  foy  ou  de  vie,  a  laquelle  il  n'y  eust  que  redire.  Ce  qui  est  contraire  a  l'intention  de  nostre  Seigneur:  car  il  n'a  rien  donne  de  plus  salutaire  a  son  Esglise.  Pourtant,  quand  nous  sentirons  en  nous  une  foy  imparfaicte,  et  que  nous  n'aurons  pas  la  conscience  si  pure,  quelle  ne  nous  accuse  de  beaucoup  de  vices,  si  ne  nous  doibt  pas  empescher  cela,  que  nous  ne  nous  presentions  a  la  Saincte  Table  du  Seigneur,  moyennant  que  au  meillieu  de  ceste  infirmite  nous  sentions  en  nostre  cueur  que,  sans  hypocrisie  et  faintise,  nous  esperons  salut  de  Iesus  Christ,  et  desirons  [pag.  33]  de  vivre  selon  la  reigle  de  l'Evangile.  Ie  dy  nommeement  qu'il  n'y  ayt  point  d'hypocrisie  :  car  il  y  en  a  beaucoup  qui  se  dee,oi  vent  par  vaines  flateries,  se  faisant  a  croire  qu'il  suffist  de  condamner  leurs  vices,  combien  qu'ilz