20:444  habend  sy  wie  jnn  jren  obgesetzten  bekhandtnussen  begryffen  ist  beharret.  Darnabend  so  hatten  sy  vber  ein  monatt  jnn  dem  das  sy  jnn  jrem  thod  hand  wollen  widerruffen  bestanden.  Daruff  aber  vnsere  verbunstigenn  vnns  an  dem  ais  hetten  wir  die  vbelthatern  vbermossen  geuolterefc  zeuerletzen  vnnderstond,  mogen  wir  Jr.  g.  wol  sprechen  das  aller  deren  die  wir  mitt  dem  thod  Richtten  lassenn  Eben  zwey  vnnd  doch  nitt  strenglich  (vff  die  sag  der  zugen)  geuolteret  worden  synd,  die  zwey  andren  der  gychttung  allein  angebunden  wordenn,  dermossen  dass  jnn  sollichen  vffrurischen  abtriinnigen  lastern  zimlicher  vnd  duldtmutiger  zehandlen  vnraoglich  was.  Vnnd  wiewol  vyl  daran  schuldig  haben  wir  doch  vier  allein  zum  thod  geschickt  ,  also  das  ouch  die  die  do  geschruwen  hatten  man  soltte  vnser  Rhathuss  anfallen  vnd  angryffen,  so  gutlich  das  sy  nitt  allein  mitt  rutenn  geschlagen  ghalten  worden  sind.  Was  aber  die  so  sich  vss  vnser  Statt  fluchttig  gemacht  antrifft,  haben  wir  gegen  jnen  rechtliche  handlung  gehaltten,  sy  ais  dann  vnserer  Statt  alter  Bruch  ist  mitt  der  Pusaunen  gerufft,  vnnd  geburliche  zyi  vnd  Dagen  angesetzt  mitt  gnugsamen  Ladungen,  vor  vnns  zeerschynen,  da  verhort  vnnd  sich  der  vffgeclagten  lastern  zeuersprechen,  vnd  mitt  dem  rechtten  zereynigen,  Do  aber  an  Statt  der  Erschynung,  jre  Schuld  zemeeren  sy  nuwe  stuck  begiengend,  Byss  dahar  das  sy  vnnser  Statt  Ringmuren  ein  nechstkhunfftige  zerstorung  dermossen  khein  Stein  vff  den  andern  plyben  wurde  getruwtend,  haben  wir  sy  jren  myssthaten  nach  ettliche  zum  thod,  die  andere  vss  Statt  vnd  Piet  ewigklich,  anndere  by  angesetzter  zyt  verdampt,  jnmossen  sy  vns  niit  anders  dann  das  sy  durch  jre  vyend  verdampt  worden  verwyssen  khonnen,  wiewol  wir  jnen  nie  khein  vnrecht  gethon,  sonnders  schetzend  vns  ais  widerwertigen  darumb  das  wir  jre  lastern  nitt  hand  mogen  vngestrafft  lassenn.  Do  sy  aber  sagend  das  sy  nitt  hand  mogen  j  m  rechten  verhort  werden,  vermogen  wir  syn  niit,  dann  gar  spotlich  ware  gsyn  wider  sy  zehandlen  vnnd  das  demnach  sy  mitt  jrem  sichem  gleyt  (ais  sy  dasselbig  begert)  hettind  mogen  der  straff  entwychen,  vnd  dem  rechtten  nitt  Stat  gaben,  wollichs  ouch  nye  gesahen  worden  das  ein  Oberkheyt  vnd  Regiment  jren  vnderthanen,  so  ettwas  lastern  angeclagt  vnnd  fluchttig  synd,  sollicite  Fryheyt  gabe.  Es  soli  ouch  nitt  seltzam  gefunden  werden,  so  wir  solliche  Begar  Einer  Loblichen  Statt  Bern  Ersamen  Standtpotten  nitt  hand  mogen  bewilligen  dann  es  zu  Nachtey*  vnd  abbruch  vnserer  grechttigkheyt,  altter  vnnbedencklicher  gwonheyt  vnnd  bruch  vnnserer  Statt  hette  gelangett,  das  die  so  beziget  warend  nitt  mochttend  gestrafft  werden.  Sy  nemmend  ouch  ein  falschen  schyn  spre-