8:443  443  QUATRE  SERMONS.  444  non  seulement  ils  recouvreront  ce  qu'ils  ont  perdu,  mais  il  leur  commande  d'esperer  beaucoup  mieulx,  c'est  a  dire  une  gloire  incomparable:  selon  aussi  qu'il  leur  avoit  promis  par  son  Prophete  Aggee  (2,  10),  que  la  maieste  du  eecond  Temple  seroit  plus  grande  que  celle  du  premier.  Il  reste  maintenant  d'appliquer  le  Pseaulme  a  nostre  usage.  Dieu  a  voulu  que  ceste  consolation  fust  de  telle  vertu  et  importance  envers  les  fideles  de  ce  temps-la,  que  non  seulement  elle  les  peust  redresser  a  fin  qu'ils  ne  fussent  oppressez  de  tant  [f.  74]  de  maulx,  mais  qu'elle  les  retirast  du  sepulchre,  par  maniere  de  dire,  pour  les  eslever  iusques  au  ciel.  Maintenant,  puisque  nous  scavons  que  les  choses  qui  estoyent  predictes  de  ce  temps-la  ont  este  accomplies,  nous  sommes  plus  qu'ingras,  si  l'experience  qu'ont  eu  les  anciens  Peres,  estant  conioincte  aux  promesses  de  Dieu,  ne  nous  suffit  pas  pour  confermer  nostre  foy  au  double.  Oar  on  ne  peut  exprimer  par  parolles  combien  Iesus  Christ  a  sa  venue  a  orne  et  magnifie  son  Eglise.  Oar  adoncques  la  vraye  religion,  laquelle  avoit  este  iusques  la  enclose  au  pais  de  Iudee,  a  eu  son  estendue  par  tout  le  monde;  et  Dieu,  qui  n'avoit  este  cogneu  au  paravant  que  d'une  seule  race,  a  commence  d'estre  reclame  en  toutes  langues  et  par  toutes  nations.  Alors  le  monde,  qui  avoit  este  distraict  et  comme  deschire  en  tant  de  sectes,  d'erreurs  et  superstitions,  a  este  conioinct  et  uni  en  une  saincte  concorde  de  foy.  Alors  tous  peuples,  d'un  desir  ardent,  se  sont  accoinctez  aux  Iuifs,  lesquels  ils  avoyent  eu  en  horreur  et  detestation.  Aussi  les  rois  et  les  peuples  se  sont  rendus  de  leur  bon  gre  a  Iesus  Christ  pour  luy  estre  subiects.  Les  loups  et  les  lions  ont  este  convertis  en  agneaux.  Dieu  a  espandu  sur  ses  fideles  les  dons  de  son  Esprit,  qui  surmontent  toute  gloire  terrienne.  C'a  este  une  chose  tant  et  plus  admirable,  que  le  corps  de  l'Eglise  ait  este  assemble  et  compose  de  membres  si  divers  et  qui  estoyent  separez  l'un  de  l'autre  en  regions  loingtaines,  et  consequemment  qu'il  ait  este  augmente  et  maintenu.  Il  a  bien  fallu  aussi  que  Dieu  besongnast  puissamment  a  multiplier  en  si  peu  de  temps  la  predication  de  l'Evangile,  et  a  la  faire  si  bien  prouffiter.  Parquoy,  encores  que  la  noblesse  et  dignite  de  l'Eglise  n'eust  iamais  este  descripte  au  Pseaulme  present,  toutesfois  les  graces  incomparables  que  Dieu  a  desployees  a  la  venue  de  son  Fils  nous  monstrent  que  l'Eglise  est  vrayement  un  royaume  celeste,  et  non  pas  terrien.  Au  reste,  si  falloit-il  que  de  ce  temps-la  mesme  auquel  Dieu  a  ainsi  magnifie  et  faict  reluire  l'estat  de  l'Eglise,  les  fideles,  pour  bien  estimer  la  dignite  d'icelle,  regardassent  plus  hault  que  le  sens  humain  ne  peut  attaindre.  Car  du  temps  qu'elle  florissoit,  ainsi  que  nous  avons  dict,  il  n'y  avoit  nulle  pompe  d'or  ni  d'argent,  ni  de  pierres  precieuses:  mais  plustost  ses