6:443  TRAICTE  DES  RELIQUES.  ftist  inferieure  a  son  frere:  pourtant  elle  n'a  eu  que  deux  corps,  dont  l'un  est  a≫  Vesele  pres  d'Ausserre,  et  l'autre,  qui  est  de  plus  grand  renom,  a  sainct  Maximin  en  Provence*,  la  ou  la  teste  est  a  part,  avec  son  Noli  me  tangere,  qui  est  un  lopin  de  cire,  qu'on  pense  estre  la  marque  que  Iesus  Christ  luy  feit  par  despit,  pource  qu'il  estoit  marry  qu'elle  le  vouloit  toucher.  Ie  ne  diz  pas  les  reliques  qui  en  sont  dispersees  par  tout  le  monde,  tant  de  ses  os  que  de  ses  cheveux.  Qui  voudroit  avoir  certitude  de  tout  cela,  il  s'enquerroit,  pour  le  premier,  assavoir  si  le  Lazare  et  ses  deux  soeurs  Marthe  et  Magdaleine  sont  iamais  venues  en  France  pour  prescher.  Car  en  lisant  les  histoires  anciennes,  et  en  iugeant  du  tout  avec  raison,  on  voit  evidemment  que  c'est  la  plus  sotte  fable  du  monde,  et  laquelle  a  autant  d'apparence  que  si  on  disoit  que  les  nuees  sont  peaux  de  veau;  et  neantmoins  ce  [page  88]  sont  les  plus  certaines  reliques  qu'on  aye.  Mais  encores  que  ainsi  fust,  il  suffisoit  d'abuser  d'un  corps  en  idolatrie,  sans  faire  d'un  diable  deux  ou  troys.  Ilz  ont  aussi  bien  canonise  celuy  qui  perca  le  coste  de  nostre  Seigneur  en  la  croix,  et  l'ont  appelle  sainct  Longin.*)  Apres  l'avoir  baptise,2)  ilz  luy  ont  donne  deux  corps,  dont  l'un  est  a  Mantoue,  et  l'autre  a  nostre  Dame  de  l'Isle,  pres  Lyon.  Ilz  ont  faict  le  semblable  des  Sages  qui  vindrent  adorer  nostre  Seigneur  Iesus  apres  sa  nativite.  Premierement,  ilz  ont  determine  du  nombre,  disant  qu'ilz  n'estoyent  que  trois.  Or  l'Evangile  ne  dit  pas  combien  ilz  estoyent;  et  aucuns  des  Docteurs  anciens  ont  dict  qu'ilz  estoyent  quatorze,  comme  celuy  qui  a^  escrit  le  commentaire  imparfaict  sur  sainct  Mathieu,  qu'on  intitule  de  Chrysostome.3)  Apres,  au  lieu  que  l'Evangile  les  dit  Philosophes,4)  ilz  en  ont  faict  des  roys  a  la  haste,  sans  pays  et  sans  subiectz.  Finalement,  ilz  les  ont  baptisez,  donnant  a  l'un  nom  Balthasar,  a  l'autre  Melchior,  [page  89]  et  a  l'autre  Gaspar.  Or,5)  que  nous  leur  concedions  toutes  leurs  fables,  ainsi  frivoles  qu'elles  sont,  il  est  certain  que  les  Sages  retournerent  au  pays  d'orient;  car  la  saincte  escriture  le  dit,  et  ne  peut  on  dire  autre  chose,  sinon  qu'ilz  moururent  la.  Qui  est-ce  qui  les  en  a  transporte  depuis?  Et  qui  est-ce  qui  les  congnoissoit,  pour  les  marquer,  afin  de  faire  ainsi  des  reliques  de  leurs  corps?  1)  Le  traducteur  ajoute:  puerili  certe  errore;  nam  quum  nomen  hoc  Graecis  lancearium  significet,  tanquam  proprium  unius  hominis  nomen  arripuerunt.  2)  Apres  l'avoir  ainsi  baptise  1563  suiv.;  Post  talem  baptismum  G.  3)  qu'on  attribue  a  Chrysostome  1566  et  G.  4)  magos  id  est  philosophos  G.  5)  Or  encore  1563  suiv.