54:443  443  SERMON  VI  444  et  qu'il  habite  quant  et  quant  en  nous,  et  que  nous  soyons  conioints  ensemble  d'un  lien  inseparable.  Or  puis  que  l'Evangile  tend  a  ceste  fin,  il  s'ensuit  aussi  que  nous  sommes  confermez  en  ceste  mesme  doctrine  par  la  saincte  Cene,  qui  nous  est  mise  au  devant  pour  la  recevoir.  Venons-nous  donc  a  ceste  saincte  table?  Cognoissons  que  nostre  Seigneur  Iesus  Christ  se  presente  ici  a  nous,  afin  que  nous  soyons  confermez  en  l'union  que  nous  avons  desia  receue  par  la  foy  de  l'Evangile,  et  que  nous  sommes  tellement  entez  en  son  corps,  qu'il  habite  en  nous,  et  nous  en  luy.  Il  faut  donc  que  nous  mettions  peine  de  profiter  en  ceste  union  saincte  de  plus  en  plus,  et  que  nous  adherions  mieux  que  nous  n'avons  point  fait  au  Fils  de  Dieu.  Et  voila  pourquoy  l'usage  de  la  saincte  Cene  nous  est  tant  requis:  voila  pourquoy  aussi  il  nous  est  reitere,  d'autant  que  nous  sommes  terrestres  et  charnels  cependant  que  nous  conversons  en  ce  monde,  il  faut  que  ce  qui  nous  a  este  monstre  pour  un  coup,  nous  soit  reduit  souvent  en  memoire,  afin  que  nous  en  recevions  le  fruict  qui  nous  y  est  propose.  Et  pour  ce  faire,  que  nous  advisions  bien  de  ne  point  prophaner  la  grace  qu'il  nous  fait,  quand  il  nous  rend